Loen 79:5 - LAWA A BOO SONBORE

⁵ Dɛnaa Lawa, n foo-yoo kɛ n die goɛ̃ miɛ̃, a ná a nyɛɛ wa, yǎa biĩ doo? N kakaarɛ kɔ wɔ ganaa ke, á n wɔ kuĩ ka tɛ bɛ́ lɔn, bɛ dɔ n die goɛ̃ yǎa biĩ?

LAWA A BOO SONBORE 2011

⁵ Dɛnaa Lawa, n foo-yoo kɛ n die goɛ̃ miɛ̃, a ná a nyɛɛ wa, yǎa biĩ doo? N kakaarɛ kɔ wɔ ganaa ke, á n wɔ kuĩ ka tɛ bɛ́ lɔn, bɛ dɔ n die goɛ̃ yǎa biĩ?

Loen 79:5 ပူးပေါင်းရင်းမြစ်များ

Loen 103:9

Dɛnaa Lawa a min zɛ̀rɛ biɛ biikoo tumaa li wa. A sii koɛ a gɔ́ɔ̃ nɛ a ná a ba nyɛɛ wa.

Loen 6:4

Ma gù kɔn ba doɛ doo wa. Ee Dɛnaa Lawa! Yǎa biĩ kəni?

Loen 74:1

Asaafu a loe mɛn bɛ́ daraa koe minin la. Lawa, wàa na á baa, ń wɔ daa kɛnɛn ka lenlen? Wɔsɛn man ka tɔɔ kuru bɛ́ lɔn, n din nə wɔ lɛduə̃li lɛa, wàa na á baa, n foo á goɛ̃ yoo-n wɔ li kɛnɛn?

Loen 80:4

Lawa, wusoo n barka wɔ wɔ nɛ, n wɔ kũ doɛ̃, wɔ á re kirisibiɛ.

Loen 80:5

Dɛnaa Lawa, Pàãyiidɛnaa, ma n die goɛ̃ wɔa nyankɔn lɛ sii, ka foo-yoo ne miɛ̃ yǎa biĩ doo?

Loen 85:5

Wusoo n nə n yɔrɔ da wɔ la, n wɔ kũ doɛ̃, wɔ kirisibaali Lawa, n foo baran busu wɔ li doo wa.

Loen 89:46

Ń ná a tɔntɔraabaa biikoo kunun kɔ, ń sìi da a ganaa parsiini. Doa.

Loen 89:47

Dɛnaa Lawa, ma n die n duri miɛ̃, yǎa biĩ doo? N foo n die goɛ̃ yoo-n miɛ̃, yǎa biĩ doo?

Izayii 64:9

Minin ba n kiwi sonboren kɛn nɛ wa. *Siɔn nə diə gole baa, Zeruzalɛmu kɛbɔlɔ baa.

Busii pɛ 5:22

Ma nə n wɔ daa lenlen ya? N foo na á yoo wɔ li á la yii ni?

Ezekieli 36:5

Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Sofonii 3:8

Dɛnaa Lawa a da ǹ boo á ke: Ka n yii da lɛawaa kɛ la kəni, man die zɛ̀rɛ diɛ ka la! A n ma gɔ́ɔ̃ nɛ ma zaman tumaa sɔkɔn, ma gánan tumaa kaa kun, màn mɛn bɛ́ toɛ, ma maa foo-yoo baraa kɛ kaa ǹ la. Hĩĩ, maa foo-yoo tɛ kɛ n die tán din tumaa kukuĩ.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 32:22

Maa foo a yoo lɛ gɔ́ɔ̃ nɛ, tɛ na á soo. Bɛa tɛ lɛ kũ yǎa geren piɛ, á màn tumaa kũ tán la, á kelen giala wɔ ǹ bǎãn kukũ.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»