Loen 79:10 - LAWA A BOO SONBORE

¹⁰ Wàa na á baa, n tá toɛ tɔrɔ kɔsɔn nə́ pii kɛnɛn: Ǹ Lawa lɛ á maa? Toa ǹ dɔ̃ wɔ yii ni, mà gɛ̀ dòo bɔ tan, ǹ dɔ̃ mà ǹ bɛ́ ǹ nə́ n dí-nyalin mɛnɛn dɛ, mà n tá re bɛn dɛ kɛ a gɛ̀ dòo boe.

LAWA A BOO SONBORE 2011

¹⁰ Wàa na á baa, n tá toɛ tɔrɔ kɔsɔn nə́ pii kɛnɛn: Ǹ Lawa lɛ á maa? Toa ǹ dɔ̃ wɔ yii ni, mà gɛ̀ dòo bɔ tan, ǹ dɔ̃ mà ǹ bɛ́ ǹ nə́ n dí-nyalin mɛnɛn dɛ, mà n tá re bɛn dɛ kɛ a gɛ̀ dòo boe.

Loen 79:10 ပူးပေါင်းရင်းမြစ်များ

Loen 115:2

Wàa na á baa tɔrɔ kɔsɔn tá pii, mà wɔa Lawa lɛ á maa?

Loen 42:10

Man li ma kɛ pɛ ma tamaali Lawa nɛ: Wàa na á baa n yiri bɔ ma nɛ? Wàa na á baa n toɛ ma á woe ka yɔrɔ-kɔsiɛ nɛ, maa zɔ́ɔn kɛn nə́ ma gialaa?

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 42:3

Lawa yiikoonaa kɛ sii n ma ganaa. Man die we a kion kɛ-n biĩ doo, ma golee a yɔrɔ-a?

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Loen 58:11

Min pepere á re n nyɛnyɛɛ, gɛ̀ dòo boe kɛ a yɛ gɔ́ɔ̃ nɛ. Á re kiɛ̃ lon, bɛ̀ a zɔ́ɔn nə́ mɛnaa tán.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Loen 94:1

Dɛnaa Lawa, n din lɛ n gɛ̀ dòo boe, Lawa mɛn bɛ́ gɛ̀ dòo boe, n din nyaa.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Bɔ bɛ̀rɛbaa nɛ 7:5

Ma á re dɔlɔ boe Ezipti gána minin lɛn ganaa, man pàã nyaa ǹ nɛ. Bɛ̀ má bɛ zɛnaa ǹ mɛn waáraa, má soo ka Izirayeli nɛnyaanan lɛn nɛ, má ǹ bɔ gána lɛ nɛ, Ezipti gána minin kɛn tá re doɛ̃, mà ma din lɛ n Dɛnaa Lawa lɛ lɛa.»

Izayii 64:1

Bɛ̀ ma n die goɛ̃ ka tɛ bɛ́ lɔn, tewonən kuĩ, hinlaa mu diɛ pipii ganaa. Bɛa yɔrɔ lɛ la, n bɛ́ màn mɛn lɛa, n zɔ́ɔn tá re n tɔ doɛ̃, tɔrɔn tumaa á re bìn diɛ n nyɛɛnɛ!

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:35

Siɔn zaman nə pii: Wɔa koe laanka wɔa nɔmaa kũ Baabilonii gána mìi ni. Zeruzalɛmu minin man pii: Wɔ mà ke á kaa, bɛa dɔlɔ die a kũ Baabilonii minin mìi ni!

Busii pɛ 1:22

Ga ǹ sii baraan kɛn ganaa taãn nɛ. N masɛ yii wɔ̃ lɔn, maa piãn kɛn lɛa, ǹ dɔn yii wɔ̃ miɛ̃. Maa wɔ n ka ginii-n biikoo tumaa li! A n busu lɛa ma ganaa.

Ezekieli 36:23

Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.

Zowɛli 2:17

Wúlu-bɔlen kɛn dí nyɛɛ Dɛnaa Lawa a kion, bɛn nə golee wɔ ǹ kiɛnlɛ kɛ laanka *wúlu bɔ ǹ bǎã kɛ bii, ǹ wuu pɛ, ǹ Lawa nyankɔ kɛnɛn: – E, Dɛnaa Lawa, makara bɔ ǹ zaman lɛ-a. N nyan toa sìi nə n din wɔn kɛn kũ wa, n nyan toa tɔrɔ kɔsɔn nə ǹ da yaa lɛa wa. «Ǹ Lawa lɛ á maa kəni?» N nyan toa tɔrɔ kɔsɔn nə bɛ pɛ wɔ-n ma.

Misee 7:10

Wɔa zɔ́ɔn lɛn dɔn dinin tá re yii, sìi á die ǹ kuĩ. A giala, ǹ dinin lɛn man nə́ goã pii wɔ-n kɛnɛn: «Dɛnaa Lawa, kaa Lawa lɛ á maa?» Bɛ̀ ǹ tá tɔtɔrɛ kɛn la tán ǹ gòãn giulun ǹ mɛn waáraa, ka zii gialaa ǹ bɛrɛɛ bɛ́ lɔn, wɔ bɛ́ re giɛ ǹ ganaa mɛnɛn!

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.