Loen 75:7 - LAWA A BOO SONBORE

⁷ Ka dɔ̃ mà golebaa bie boe lɛ̀giala-n wa, a bie boe lɛ̀nyɛɛn wa, a bie boe don gɔ́ɔ̃ dɔ din ni wa,

LAWA A BOO SONBORE 2011

⁷ Ka dɔ̃ mà golebaa bie boe lɛ̀giala-n wa, a bie boe lɛ̀nyɛɛn wa, a bie boe don gɔ́ɔ̃ dɔ din ni wa,

Loen 75:7 ပူးပေါင်းရင်းမြစ်များ

Samayeli2 5:2

Haalɛ bibi dinin, bɛ̀ Sayulu bɛ́ wɔa kii lɛa, n din Davida na á goã miɛ̃ wɔsɛn Izirayeli minin zia-baalin nyɛɛnɛ, bɛ̀ n soo ǹ ne, bɛ̀ n nə n bɔyaa ǹ nɛ. Dɛnaa Lawa pɛ n nɛ dɔn dinin: «N din nə die giɛ maa zaman Izirayeli minin lɛn walan, n din nə die Izirayeli minin lɛn mìilandɛnaa biɛ.»

Samayeli2 6:21

Davida tɔ́n pɛ Mikaali ni: «Dɛnaa Lawa mɛn ma soɛ kɔ n díi laanka ka kion minin tumaa nɛ, á masɛ bɔ á má koa a zaman Izirayeli minin kɛn mìilandɛnaa lɛa, man maa bɛ̀ lɛ biɛ Dɛnaa Lawa din yɔrɔ-a.

Loen 147:6

Dɛnaa Lawa nə n doe nɔmaa-wɔlen lɛ, á nə́ ǹ siɛ ǹ diɛ lon. Min baraan kɛn, a n bɛn gisĩ yǎa tán.

Loen 50:6

Lon mànan tá a peperebaa kɛ kalɛɛ, kiri-kuruli n ka Lawa nɛ. *Doa.

Loen 58:11

Min pepere á re n nyɛnyɛɛ, gɛ̀ dòo boe kɛ a yɛ gɔ́ɔ̃ nɛ. Á re kiɛ̃ lon, bɛ̀ a zɔ́ɔn nə́ mɛnaa tán.

Luku 1:52

A n die kiin nyanɛɛ a ǹ bɔ ǹ kii dankan la, a din boɛɛn-kɔlen saa lon.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Rɔmu minin 11:15

Sonbore, ǹ da para li kio ne, kanaa bii kɔɔ̃n kɔ kɔn ka Lawa nɛ. Bɛ̀ Lawa wusoo á n yɔrɔ da ǹ la, wàa n die n zɛnɛɛ kəni? A n die n biɛ ka min a yii kaa a bɔ geren bii bɛ́ lɔn!

Galaasi minin 1:15

Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Samayeli1 15:23

Piã lɛ n sii baraa lɛa, ka wɔ-kũ bɛ́ a lɛa lɔn, too kakabaa dɔ na a lɛa ka kɔnkoãbaa laanka dì guguru kɔ bɛ́ a lɛa lɔn. N bɛ́ ń Dɛnaa Lawa bɔlɔ tii, Dɛnaa Lawa nə n dɔ tii, n ba kii lɛa doo wa.»

Samayeli1 15:28

Samayeli pɛ nɛ: «Dɛnaa Lawa Izirayeli a kiibaa lɛ kũ á si n la pelo, á kɔ min kɔsɔ la, min mɛn nə́ ke soɛ n nɛ.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»