Loen 74:9 - LAWA A BOO SONBORE

⁹ Wɔ yii ba n din a tá wɔ li ǹ sii kɔn ganaa doo wa. N boo gii-dali kɔn banban doo wa. Á n die goɛ̃ miɛ̃ dɔn yǎa biĩ, wɔ kɔn ba bɛ dɔ doɛ̃ wa.

LAWA A BOO SONBORE 2011

⁹ Wɔ yii ba n din a tá wɔ li ǹ sii kɔn ganaa doo wa. N boo gii-dali kɔn banban doo wa. Á n die goɛ̃ miɛ̃ dɔn yǎa biĩ, wɔ kɔn ba bɛ dɔ doɛ̃ wa.

Loen 74:9 ပူးပေါင်းရင်းမြစ်များ

Bɔ bɛ̀rɛbaa nɛ 12:13

Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.

Busii pɛ 2:9

Kiwi lɛa kiɛnlɛn nə́ kaa, ǹ nə́ wɔ tán tii li. Dɛnaa Lawa nə́ ǹ kii la ǹ bàlà yiyiɛ. A kii laanka a nyɛɛnaandɛnan man gùlin lɛa tɔrɔ kɔsɔn bii. Dí-pɛ banban doo wa, a boo gii-dalin ba Dɛnaa Lawa a sii-nyaa yii doo wa.

Ezekieli 20:12

Man má *susu ǹ pii dɔ koa sii a kɔnboe lɛa ǹ bii, màn mɛn bɛ́ toɛ ǹ dɔ̃, mà ma din Dɛnaa Lawa n má ǹ bɔ ma din wɔn lɛa.

Ezekieli 7:26

Bɔ̀n woo bɔ̀n, gɔ́ɔ̃ wɔ̃ ǹ boo woo gɔ́ɔ̃ wɔ̃ ǹ boo, bɛn lɛn man die koɛ kɔn la. Ǹ tá re sii-nyaa liɛ Lawa a boo gii-dali la, Lawa a wúlu-bɔle ba re minin darɛɛ dí-pɛn kɛn ganaa doo wa, min golen ba re doree koe doo wa.

Amɔɔsi 8:11

Dɛnaa Lawa pɛ kɛnɛn: Á ke lɛawaan tá die, ma á re bòo diɛ gána lɛ nɛ. Màn-bii wɛɛ a bòo bie wa, mu wɛɛ a mu boro bie wa. Sɛnɛ, Dɛnaa Lawa a boo kɛ a mu boro n die minin kuĩ.

Misee 3:6

A bɛ́ miɛ̃, á nya kəni! Ma a die sii kɔn nyɛɛ ǹ nɛ doo wa, ǹ yii ba re sii kɔn yii doo wa. Lɛawaa á die tèlò biɛ ǹ ganaa, wasa yii á die wɔlɔ tì biɛ ǹ ganaa.

Misee 3:7

Sii-nyalin kɛn wɔ n ka sìi ni, sii yɛ wolen kɛn wɔ n ka sìi ni. Ǹ tá re pìi koe ǹ yɔrɔ lɛ, mà ǹsɛn manə ǹ sìi duri ni. A giala, Lawa a re ǹ lɛ sii doo wa.»

Ebrəə 2:4

Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.

Sii yɔrɔ-bɔlen 6:17

Zediɔ̃ tɔ́n pɛ: Bɛ̀ n tá re bǐɛ̃ koe masɛ-a sonbore, sii a kɔnboe nyaa ma nɛ, màn mɛn bɛ́ nyɛɛ, mà n din nə boo diɛ ka ma nɛ.

Samayeli1 3:1

Samayeli bɛ́ tɔn ten, a na á goã Dɛnaa Lawa a dí nyɛɛ Elii giulun. Bɛa biikoo li, Lawa goã boo diɛ pataa wa, sii-nyaa dɔ goã yii papaa wa.