Loen 73:23 - LAWA A BOO SONBORE

²³ Sɛnɛ, man kun ka n din ni biikoo tumaa li. N din nə ma kuĩ ma gusin a gɔn ganaa.

LAWA A BOO SONBORE 2011

²³ Sɛnɛ, man kun ka n din ni biikoo tumaa li. N din nə ma kuĩ ma gusin a gɔn ganaa.

Loen 73:23 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Loen 139:18

Má goã máa ma nə ǹ nimii, sɛnɛ, ǹ nə́ mɔnaa ǹ nə́ la nyɔɔsɔ̃ nɛ. Haalɛ ta má ǹ nimi má nya, ma ba re n sii giala miɛ ma nya wa.

Loen 16:8

Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

Loen 23:4

Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

Loen 37:17

A giala min baraan pàã á re nyɛɛ, sɛnɛ, Dɛnaa Lawa á re n doe min sonboren lɛ.

Loen 37:24

Ta á n gòã na, a mɛnɛɛ wa, a giala, Dɛnaa Lawa n kuĩ a gɔn ganaa.

Loen 63:8

A giala, n din nə́ n baa masɛ a dɔmalɛ wole lɛa. Man die n toɛ n din nyàa giulun man nyɛnyɛɛ.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:13

A giala, masɛ Dɛnaa Lawa nə n Lawa lɛa. Má n gusin-a gɔn kũ kaka. Man wusii pii n ni: «Nyɛ́ɛ nyan nə n kũ wa, man die n gú ganaa.»

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»