bɛ n ka wasa a folon bɛ́ lɔn a bɔ tán biikoo li baayɛlɛ, bɛ̀ labara ba lon ǹ mɛn pinaa wa. A n ka wasa a folon bɛ́ lɔn, buu diɛ bɔ tán ganaa la a kaa kio.»
N din nə giɛ tán walan, ma n mu koe á boe sɔnbɔraanɛ, n nə́ piɛ̃ ka naforon ne. Lawa, nsɛ a pɛrɛ lɛ n piɛ̃-n ka mu ni. Ma n màn-bii bǐɛ̃ koe minbuiinin ni, n nə́ tán bǐɛ̃ koe sɔnbɔraanɛ.
Man die biɛ don lɛa. Min kɔn ba re a da gùrùn boe wa, min kɔn ba re a buu woɛ̃ wa. Nyɛn dan tá re boe a nɛ. Ma á re labaran kurii ǹ baran la kaa a ganaa wa.
Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.
Zakɔba tɔrɔn mɛnɛn yii goã koo, bɛn tá re giɛ̃ tɔrɔ gigiã kɔsɔn bii. Ǹ tá re ǹ biɛ ka pele bɛ́ lɔn boe Dɛnaa Lawa li, ka la mu bɛ́ lɔn buu ganaa. Bɛn ba giɛ minbuiin nɛ a màn kɔn li wa, ǹ ba n foo doɛ minbuiinin ganaa ka sii kɔn nɛ wa.