Loen 72:15 - LAWA A BOO SONBORE

¹⁵ Lawa die a nyin sasa kɔ kii lɛ la. Ǹ tá re Saabaa gána a sana koe la, a gɔ ǹ màn lɛa. Ǹ tá re Lawa nyankoe a lɛa biikoo tumaa li, ǹ Lawa bǐɛ̃ bíi li baraabaraa.

LAWA A BOO SONBORE 2011

¹⁵ Lawa die a nyin sasa kɔ kii lɛ la. Ǹ tá re Saabaa gána a sana koe la, a gɔ ǹ màn lɛa. Ǹ tá re Lawa nyankoe a lɛa biikoo tumaa li, ǹ Lawa bǐɛ̃ bíi li baraabaraa.

Loen 72:15 ပူးပေါင်းရင်းမြစ်များ

Kiin1 10:10

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Saabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, a bin bɛ miã yɛ duduu doo wa.

Kiin1 10:14

Lɛ̀ tunaa nɛ Salomɔn bɛ́ sana mɛn yii, a gugurubaa tá doe kilo duu fuə (20 000).

KZS2 9:1

Sabaan kii lɔ ma mà Salomɔn tɔ soo. Bɛ lɛ nɛ, á tɔ́n daa ga a giala-a ka boo giməən ne. A na á daa Zeruzalɛmu ka zaman gole ne a kio. Nyɔɔmaan nə́ goã kun ni, nyɔɔ gìĩ kɔɔ̃n nə́ ǹ dɔ̀ɔ̃ nɛ, ka sana didi laanka kɔlɔ giɔ̀mɔ kakaa nɛ. A bɛ́ á dɔ Salomɔn li, màn mɛn din tumaa goã a gɔ́ɔ̃ nɛ, á bɛ yii pɛ nɛ.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 45:4

Giĩ a nɛ, n gɔya sa saa n lɔɔ n ganaa, n siĩnbaa ǹ màn nɛ, n nyaǹ màn nɛ.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Izayii 60:6

Nyɔɔmaa kuru gigiã á re n gána piɛ̃, Madiã gána laanka Ɛfaa gána a nyɔɔmaa tenən kɛn tumaa á re boe Sabaa. Ǹ tá re die sana laanka da yon gìĩ kɔɔ̃n nɛ, ǹ loe lɔ min tumaa yɔrɔ-a, ǹ Dɛnaa Lawa tɔ bɔ nɛ.

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Matiə 21:9

Min mɛnɛn bɛ́ Yezu nyɛɛnɛ, min mɛnɛn bɛ́ a kio, ǹ tumaa na á goã n lɛ dii ǹ nə́ pii: «Kii Davida tɔrɔ da ka n bǐɛ̃ nɛ! Min mɛn bɛ́ die ka wɔa Dɛnaa tɔ nɛ, Lawa die a barka wɔ a nɛ! Wɔsɛn tá fòo diɛ Lon a Lawa nɛ!»

Matiə 6:10

Toa n kiibaa daa, n foo sii bɛ́ n zɛnɛɛ lon lɔn ke, toa a n zɛnaa tán dɔn miɛ̃.

Zaã a sɛ́wɔ 11:25

Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;

Zaã a sɛ́wɔ 14:19

Kànaa ka boɛɛn, kanaa minin ba re masɛ yii doo wa, sɛnɛ, kasɛn tá re ma yii ma yii n koo, ka dɔn yii á re goɛ̃ koo.

Zaã a sɛ́wɔ 5:23

màn mɛn bɛ́ toɛ, min tumaa Nɛgiĩ lɛ guguru kɔ, ka ǹ bɛ́ a Díi guguru koe lɔn. Bɛ̀ min mɛn ba Nɛgiĩ lɛ guguru koe wa, a Díi mɛn dia, bɛa dɛnaa na a ba bɛ dɔ guguru koe wa.

Filipi minin 2:11

Ǹ tumaa pɛ mà Yezu Krita n Dɛnaa lɛa, ǹ Díi Lawa tɔ guguru kɔ nɛ.

Tesaloniki1 3:11

Wɔ Di Lawa dinmaa laanka wɔa Dɛnaa Yezu die ǹ zii kɔ wɔ la, wɔ da bɔ ka li!

Timote2 4:22

Lawa die a giã n li. Lawa a bǐɛ̃ die a goã kun ka tumaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 1:2

A giala, yiikoonaabaa kɛ na á n din nyaa, wɔsɛn nə́ yɛ. Wɔ na a siéren lɛa, wɔ́ n bɛa yiikoonaabaa nyabaã wole kɛ lɛ boo diɛ ka nɛ, asɛ mɛn bɛ́ á goã Díi Lawa li, á tɔ́n nə n din nyaa wɔsɛn nɛ kanaa.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.