Loen 72:10 - LAWA A BOO SONBORE

¹⁰ Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

LAWA A BOO SONBORE 2011

¹⁰ Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Loen 72:10 ပူးပေါင်းရင်းမြစ်များ

Siin Giala 10:7

Kuusu a nɛnyaanan man ka Sebaa nɛ, ka Avilaa nɛ, Sabata nɛ, ka Ragma laanka Sabatekaa nɛ. Ragma a nɛnyaanan man ka Sabaa laanka Dedan nɛ.

Kiin1 10:1

Lɔ mɛn bɛ́ Saabaa gána a kii lɛa, bɛ ma mà Lawa barka nɛ, mà Salomɔn tɔ soo. Bɛ lɛ nɛ, á tɔ́n daa ga a giala-a ka boo giməən ne.

Kiin1 10:10

Á bǐɛ̃ baa kii Salomɔn lɛ la ka sana tɔnɔ sɔɔ ka talɛɛ nɛ, ka nyɔɔ gìĩ kɔɔ̃n gigiã laanka kɔlɔ giɔ̀mɔ kaka-an nɛ. Saabaa gána a kii lɔ lɛ nyɔɔ gìĩ kɔɔ̃n gigiã mɛn kɔ Salomɔn la, a bin bɛ miã yɛ duduu doo wa.

Kiin1 10:2

A na á daa Zeruzalɛmu ka zaman gole ne a kio. Nyɔɔmaan nə́ goã kun ni, nyɔɔ gìĩ kɔɔ̃n nə́ ǹ dɔ̀ɔ̃ nɛ, ka sana didi laanka kɔlɔ giɔ̀mɔ kaka-a nɛ. A bɛ́ á dɔ Salomɔn li, màn mɛn din tumaa goã a gɔ́ɔ̃ nɛ, á bɛ yii pɛ nɛ.

Kiin1 10:25

Didie na á goã woe ka a bǐɛ̃baa ǹ màn nɛ: Wɔrɔ mànan laanka sana mànan manɛ, mɔnaan manɛ, ziabaa ǹ mànan manɛ, nyɔɔ gìĩ kɔɔ̃nɔn manɛ, sùin laanka dundun sùin manɛ, bɛ na á goã n zɛnɛɛ miɛ̃ lɛ̀ woo lɛ̀.

KZS2 9:21

Bǎã sɔsɔɔ mu la ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Uramu wɔn nɛ. Lɛ̀ sɔsɔɔ gɔ́ɔ̃ nɛ, manə n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Loen 45:12

N siĩnbaa kɛ die a kɔɔ̃n kɔ kii ganaa. A din nə n dɛnaa lɛa. Kaa tán a giulun n na a guguru kɔ.

Loen 68:29

Izirayeli, n pàã bɔ. Lawa din na á pɛ miɛ̃. Haya Lawa, n pàã bɔ wɔsɛn lɛa, ka n bɛ́ ń zɛnaa lɛlɛ lɔn.

Loen 68:30

Toa kiin nə da ka n din gɔ ǹ mànan nɛ, n Kion Gole kɛ nɛ màn tumaa lalan Zeruzalɛmu kiwi.

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 43:3

A giala, masɛ Dɛnaa Lawa nə n Lawa lɛa. Ma din Izirayeli a Lawa sonbore nə n kirisibaali lɛa. Má Ezipti kɔ n nyin giɔ̀mɔ lɛa, má Etiopii laanka Sabaa kɔ n dòo lɛa.

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 60:3

Tɔrɔn tá re die n wɔlɔ fúlu kɛ ganaa. N baayɛlɛ a tɛ fúlu kɛ á re kiin baɛ̃.

Izayii 60:6

Nyɔɔmaa kuru gigiã á re n gána piɛ̃, Madiã gána laanka Ɛfaa gána a nyɔɔmaa tenən kɛn tumaa á re boe Sabaa. Ǹ tá re die sana laanka da yon gìĩ kɔɔ̃n nɛ, ǹ loe lɔ min tumaa yɔrɔ-a, ǹ Dɛnaa Lawa tɔ bɔ nɛ.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.