Loen 72:1 - LAWA A BOO SONBORE

¹ Salomɔn a loe. Lawa! A kɔ kii lɛ la, a kiri siin yɔrɔ bɔ, ka n din wɔn bɛ́ lɔn. N din a kiri sii giala ma ǹ gɔn kɛ kɔ la.

LAWA A BOO SONBORE 2011

¹ Salomɔn a loe. Lawa! A kɔ kii lɛ la, a kiri siin yɔrɔ bɔ, ka n din wɔn bɛ́ lɔn. N din a kiri sii giala ma ǹ gɔn kɛ kɔ la.

Loen 72:1 ပူးပေါင်းရင်းမြစ်များ

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Kiin1 1:39

Lawa a boo gii-dali Sadɔki nyɔɔ saa màn bɛn nɛ, kɔn yɛ ka Lawa nɛ ǹ kion lɛ nɛ, á lɔ Salomɔn ganaa. Ǹ nə́ bɛn pɛ zaman lɛ nə́ n lɛ dɛ: «Kii Salomɔn die a nyín sasa yɛ!»

Kiin1 3:9

Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»

KZS1 18:14

Davida giã Izirayeli minin lɛn tumaa mìi la. A na á goã a zaman lɛ tumaa a sii yɔrɔ boe ka peperebaa nɛ, a bɔ kɔnlɛ we wa.

KZS1 22:9

Á ke, nɛgiĩ á re yii n la, bɛ lɛ n die goɛ̃ là nyantoro min lɛa. Ma á re là nyantoro diɛ a bii ka zɔ́ɔn mɛnɛn tumaa bɛ́ a lɛnpɛnɛ. A tɔ n die goɛ̃ Salomɔn. Man die là nyantoro ka yii nyɛɛ koe Izirayeli la a yiikoonaabaa tumaa gɔ́ɔ̃ nɛ.

KZS2 1:10

Ma nə n nyankoe, sii-doɛ̃ laanka doɛ̃ kɔ ma la, màn mɛn bɛ toɛ ma boo la ma zaman kɛ nyɛɛnaan bɔ. Bɛ̀ bɛ́ bie wa, die n boe la a n zaman kɛ nyɛɛnaan bɔ, bɛa zaman gole ke?»

Loen 127:1

Wo Zeruzalɛmu loe. Salomɔn a loe n ke. Bɛ̀ Dɛnaa Lawa kion mɛn dɔ wa, a dɔlen man dí nyɛɛ kooro. Bɛ̀ Dɛnaa Lawa ba kiwi mɛn lɛduĩ wa, a lɛduə̃lin man lɛ wɛɛ ǹ yii n koo kooro.

Izayii 11:2

Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.