Loen 71:14 - LAWA A BOO SONBORE

¹⁴ Masɛ wɔ paǹ li, ma foo n tɔn doa nɛ. Man die n tɔ dɔ boe miɛ̃, ma wo-n nyɛɛnɛ.

LAWA A BOO SONBORE 2011

¹⁴ Masɛ wɔ paǹ li, ma foo n tɔn doa nɛ. Man die n tɔ dɔ boe miɛ̃, ma wo-n nyɛɛnɛ.

Loen 71:14 ပူးပေါင်းရင်းမြစ်များ

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Loen 130:7

Izirayeli minin lɛn, ka daa wɔ n foo doa Dɛnaa Lawa ganaa. A giala bǐɛ̃baa tá Dɛnaa Lawa lon, a min si sii la ǹ yɔrɔ mɔnaa.

Loen 43:5

Wàa na á baa ma foo á ziziɛ̃, man ginii we kɛnɛn? Yǎa man foo doɛ Lawa ganaa. Taãn nɛ, ma á re wusii ma a tɔ bɔ, maa Lawa mɛn bɛ́ ma kirisibaali lɛa.

Loen 71:6

A kũ maa nɛnyaanmaa waáraa ganaa, ma nə n gòã koɛ n din la. N din nə́ n dɔ ma lɛ, má soo má n bɔ ma dan gɔ́ɔ̃ nɛ. Ma nə n din tɔ boe biikoo tumaa li.

Busii pɛ 3:21

Sɛnɛ, taasiɛ mɛn bɛ́ die ma yiri ni, á ke, bɛ lɛ n toɛ ma foo á doa nɛ:

Busii pɛ 3:24

Bɛ lɛ nɛ ma á pii: «Dɛnaa Lawa n maa naforo lɛa» bɛ lɛn toɛ ma foo á doa nɛ a ganaa.

Busii pɛ 3:25

Min mɛn foo bɛ́ doa-n Dɛnaa Lawa ganaa, a n giɛ li ka a parsiini, a n bǐɛ̃ biɛ bɛ la.

Busii pɛ 3:26

N yii da Dɛnaa Lawa a bɔ sii-n la, kiĩn ni, sii sonbore ne.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Tesaloniki1 4:10

Bɛ lɛ n ke ka á zɛnɛɛ dinin, dɔɔ̃nɔn tumaa wɔ a paǹ li, Masedoanɛ gána din tumaa nɛ. Sɛnɛ, wɔ n ka nyankoe doo dɔɔ̃nɔn lɛn, wáa ka n doa ka wusoo ka màn da li.

Ebrəə 10:35

Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.

Piɛrɛ1 1:13

Bɛ lɛ tɔ ganaa, ka n yiri toa bǎã goon ne, dí nyɛɛ a lɛa. Ka n yii dɔraa, ka n foo tumaa doa Lawa a bǐɛ̃baa ǹ màn kɛ ganaa, á n die koe ka la, Yezu Krita a daa pinaa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.