Loen 7:1 - LAWA A BOO SONBORE

¹ Davida na a busii pɛ Dɛnaa Lawa nɛ loe mɛn gɔ́ɔ̃ nɛ, Bɛnzamɛn tɔrɔ Kuusi wɔ paǹ li.

LAWA A BOO SONBORE 2011

¹ Davida na a busii pɛ Dɛnaa Lawa nɛ loe mɛn gɔ́ɔ̃ nɛ, Bɛnzamɛn tɔrɔ Kuusi wɔ paǹ li.

Loen 7:1 ပူးပေါင်းရင်းမြစ်များ

Loen 11:1

LOE-saalin goledɛnaa loe mɛn lɔ. Davida a loe. Masɛ n má kaa Dɛnaa Lawa yele. Wàa na á baa ká n pii ma nɛ: Baa si n wo kele la, ka bàan bɛ́ lɔn.

Loen 13:3

Man die n gɔ́ɔ̃ bii yǎa biĩ? Foo ziziɛ̃ kɛ n ma ganaa baraabaraa? Man die goɛ̃ maa zɔ́ɔn kɛn gɔn kɛnɛn yǎa biĩ?

Loen 13:5

Bɛ bie wa, maa zɔ́ɔn kɛn man die pii, mà ǹsɛn nə́ boo ma la. Maa zɔ́ɔn kɛn man die n nyɛnyɛɛ maa mɛnaa kɛa lɛa.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 18:28

Ǹ bɛ́ koe boe min mɛnɛn ganaa, n din nə bɛn kirisibiɛ. Min mɛnɛn bɛ́ n dinin gole koe, n din nə bɛn gisĩ.

Loen 25:2

Maa Lawa, man kiɛ n din yele. N nyan toa sìi ma kũ wa. N nyan toa maa zɔ́ɔn kɛn nə n nyɛnyɛɛ ma la wa.

Loen 26:1

Davida a loe. Dɛnaa Lawa, n din kiri kɛ kuru. A giala, maa tɔ wɔ ǹ gɔn tá pepere. Man má n foo doa Dɛnaa Lawa ganaa, ma a re talɛɛ wa.

Loen 3:7

Masɛ a nyɛ́ɛ biɛ zɔ́ɔ duu gigiã kɛ nyɛɛn doo wa, zaman mɛn lɛ ma lɛnpɛnɛ ma paǹ yii ganaa.

Loen 30:12

Ń maa foo-ziziɛ̃ lɛ bɔyaa ń baa bɛ̀ lɛa. Ń maa yɔrɔ-kɔsiɛ bɔyaa ń baa zɔ́n lɛa.

Loen 30:2

Dɛnaa Lawa ma nə n din tɔ siɛ lon, a giala, ń wusoo ń ma kaka kɔ, n toa maa zɔ́ɔn nə́ n nyɛnyɛɛ ma la wa.

Loen 31:15

Sɛnɛ, masɛ nə n foo doɛ n din ganaa, Dɛnaa Lawa. Má pɛ: máa maa Lawa n ka n din ni.

Loen 32:10

Nɔmaa gigiã á re min baraa yii. Sɛnɛ, min mɛn bɛ́ n foo doɛ Dɛnaa Lawa ganaa, Dɛnaa Lawa a kɔn-narɛɛ gole kɛ á re bɛa dɛnaa lɛnpɛnɛ.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Loen 89:26

Ma á re pàã koe la yìsi mu la, ma á re koe la tàn dɔn la.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Zeremii 15:15

Dɛnaa Lawa, n tá sii tumaa doɛ̃. N yiri koa ma li, n nə n dɔ ma lɛ. Min mɛnɛn bɛ́ baraa zɛnɛɛ ma nɛ, maa gɛ̀ dòo bɔ bɛn ganaa. N nyan toa ma fuu yɛ, n foo á kũ ǹ li kɛa lɛa wa. Toa n kɛ dɔ̃: N din a lɛa nɛ maa sɔn kɛn sii ma ganaa.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Zeremii 31:18

Má Efrayimu minin lɛ-dɛ ma taãn-taãnɛ, Maǹ pii: «Dɛnaa Lawa, ń wɔ doroo ka kakaarɛbaa nɛ, ka ǹ bɛ́ dii ten darɛɛ lɔn. Sɛnɛ, toa wɔ da n li, wɔ wusoo wɔ da n li taãn-taãnɛ. A giala, Dɛnaa Lawa n din ni wɔa Lawa lɛa.

Abakuku 3:1

Lawa a boo gii-dali Abakuku a Lawa nyankɔ goon nə́ ke. A na á lɔ ka bɛ̀ dɛ ǹ màn nɛ.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Zozoe 14:8

Ma dɔɔ̃nɔn mɛnɛn nə goã ǹ nə́ woo kun ka ma nɛ, bɛn nə́ zaman lɛ foo biɛ na. Sɛnɛ, Dɛnaa Lawa lɛ, maa Lawa lɛa, masɛ n má goã koe bɛ lɛ ka ma foo tumaa nɛ.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 4:19

Bɛa yɔrɔ kɛ lɛ la, min mɛnɛn bɛ́ fuu yii Lawa din dùũ a lɛa, bɛn nə wo nyɛɛnɛ ka ǹ bǐɛ̃ zɛnaa nɛ, ǹ nə ǹ sii din tumaa toa ǹ zɛnaa wole Lawa gɔn, Lawa mɛn bɛ́ bɔlɔgoondɛnaa lɛa.