Kanna kəni Dɛnaa Lawa, yoo n da n susu ǹ bǎã nɛ, yoo ka n lɛ kɔ kɔn la ǹ goo kɛ nɛ goo kɛ lɛ n din pàã nyɛɛ! N kirisibaa kɛ nə n kɔ n wúlu-bɔlen kɛn lɛ ka mɔnaa bɛ́ lɔn! N din a min sonboren kɛn, bɛn die ǹ nə n nyɛnyɛɛ ka foo kɔɔ̃n gole ne!
N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.
Bɛ̀ Zeruzalɛmu nə n kũ biikoo mɛn li, n ka lɛ a talakɔn sɔɔ goon tã kiwi lɛ bii. A talakɔn sɔɔ lɛ a paabaa ǹ wɔ ke, n bɛ yawaa ka gɔya sa nɛ, n kiwi lɛ lɛnpɛnɛ nɛ. A talakɔn lɛ a sɔɔbaa ǹ wɔ ke, n die n bɛ pɛsɛ̃ piɛ̃ li, ma á re a kio lui ka maa gɔya sa nɛ.
Min mɛnɛn bɛ́ biɛ zɔ́ɔ, a na a gɛ̀ dòo boe bɛn ganaa, a din bǎã nɛ, a ǹ dɛ a ǹ bɔ bii-a. Min mɛnɛn bɛ́ biɛ zɔ́ɔ, a nə ǹ sarɛɛ a din bǎã nɛ, a ba n yii diɛ wa.