Loen 64:4 - LAWA A BOO SONBORE

⁴ Ǹ lɛwɔn lɛ n ka gɔya sa bɛ́ lɔn, ǹ ná a lɛ boe. Ǹ basaã boon kɛn man ka kiɛn bɛ́ lɔn,

LAWA A BOO SONBORE 2011

⁴ Ǹ lɛwɔn lɛ n ka gɔya sa bɛ́ lɔn, ǹ ná a lɛ boe. Ǹ basaã boon kɛn man ka kiɛn bɛ́ lɔn,

Loen 64:4 ပူးပေါင်းရင်းမြစ်များ

Samayeli2 15:14

Davida tɔ́n pɛ a dí-nyalin manɛ, ǹ mɛnɛn lɛn bɛ́ kun ni Zeruzalɛmu: «Ka yoo wɔ baa si, a giala, la ǹ gɔn kɔn ba wɔ la Abusalɔn yɔrɔ-a wa. Ka n nanaa wɔ woo. Bɛ̀ bie wa, Abusalɔn tá re n nanaɛ a dɔ wɔ ganaa, a basaã kɔ wɔ nɛ, a kiwi minin lɛn tumaa dɛ.»

Nehemii 4:11

Min mɛnɛn nə goã kungɔn lɛ doe, ǹ mɛnɛn dɔn nə goã guĩ goɛ hinlaa minin yui ka guĩ ni, man nə́ goã dí lɛ nyɛɛ ka ǹ gɔn goon ne, ziabaa ǹ màn nə́ gɔn lɛ a kɔsɔ kɛ nɛ.

Loen 11:2

Ga min baraan kɛn ganaa, ǹ nə́ sa dii. Maǹ kiɛ zoɛ̃ sa biɛ la, ǹ nə́ die min pepere piɛ̃ wɔlɔ tì li.

Loen 55:19

Á ma si sii la, á ma tamaa là nyantoro gɔ́ɔ̃ nɛ, bɛ̀ zɔ́ɔn bɛ́ ma gialaa.

Loen 55:22

A lɛ gɔ́ɔ̃ ǹ boo n parɛparɛ ka zoo ne, sɛnɛ, zia na a gɔ́ɔ̃ nɛ. A boon lɛn man suusuu, ǹ nə́ la nyɔɔ nɛ, sɛnɛ, minin fɔ ǹ gɔyan manɛ.

Loen 57:5

Man min baraan bii. Maǹ baraa ka yàra min-sɔ̃lin bɛ́ lɔn. Ǹ sɔn man pɛpɛnɛ ka sɛmiɛ̃n bɛ́ lɔn, pɛpɛnɛ ka kiɛn dɔn bɛ́ lɔn. Ǹ lɛwɔn dɔ n lɛ boe ka gɔya sa bɛ́ lɔn.

Loen 64:7

Maǹ taasiɛ we kɔkɔrɔbaa siin ganaa. Maǹ pii mà ǹsɛn sii yɔrɔ bɔ á nya, mà minbuiin nɛ gɔ́ɔ̃ kɛ á zuzulu, min ba boe la a dɔ̃ wa.

Abakuku 3:14

Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.

Zaã a sɛ́wɔ 19:6

Sɛnɛ, wúlu-bɔlen goledɛnan lɛn laanka garadin lɛn nə yɛ lɔn, ǹ nə́ kaa lɛ-dɛ nɛ ǹ nə́ pii: «A dere gɔn ganaa! A dere gɔn ganaa!» Pilati tɔ́n pɛ ǹ nɛ mà ǹ dininmaan nə kũ ǹ dere gɔn ganaa. Mà asɛ zɛ̀rɛbaa ǹ sii yɛ a wɔ paǹ li sɛn wa.

Samayeli1 18:11

Sayulu ná a sɛmiɛ̃ lɛ zũ. A na á goã pii a din gɔ́ɔ̃ nɛ: «Man die Davida foɛ̃, a dama kion gɔ̀nɔn ganaa.» Á sɛmiɛ̃ lɛ zũ gunyin paa, sɛnɛ, Davida nə́ n kanaa á n bɔ li.

Samayeli1 19:10

Sayulu mà a n Davida foɛ̃ ka sɛmiɛ̃ nɛ a dama kion gɔ̀nɔn-a, sɛnɛ, Davida nə́ n kanaa á n bɔ Sayulu a sɛmiɛ̃ lɛ li. Sayulu a sɛmiɛ̃ lɛ kiɛ̃ á nyəə kion gɔ̀nɔn ganaa, Davida baa si, á la bɛa tèlò lɛ nɛ.