Loen 63:1 - LAWA A BOO SONBORE

¹ Davida a loe, bɛ̀ a bɛ́ don sabii Zudaa gána nɛ.

LAWA A BOO SONBORE 2011

¹ Davida a loe, bɛ̀ a bɛ́ don sabii Zudaa gána nɛ.

Loen 63:1 ပူးပေါင်းရင်းမြစ်များ

Samayeli2 15:28

Ka ga, masɛ Davida n die n lɔloɛ diə fúlu kɛ nɛ don, yǎa ka dinin boo doe ma li.

KZS1 16:14

Dɛnaa Lawa lɛ n wɔa Lawa lɛa, a din lɛ n kii lɛa, kanaa tumaa mìi la.

Zɔbu 8:5

Sɛnɛ, bɛ̀ nsɛ dɔ n din-a, ń ga Lawa li, bɛ̀ ń Pàãyiidɛnaa gòã kũ, mà a makara bɔ n-a,

Loen 118:28

N din nə maa Lawa lɛa. Man barka diɛ n din ni. N din nə maa Lawa lɛa. Ma nə n din guguru koe.

Loen 119:81

Man má n foo doa n din a da ǹ boo ganaa. Má n yii da n kirisibaa kɛ la, má nɔmaa.

Loen 143:10

Ma daraa n foo sii zɛnaa ganaa, a giala, n din nə maa Lawa lɛa. N yiri sonbore kɛ die a ma da zii pepere la.

Loen 143:6

Ma gɔn nə n din la, ma tá n nyankoe. N sii n ma ganaa, ka mu boro bɛ́ tán gere kuĩ lɔn. *Doa

Loen 31:14

Min mɛnɛn bɛ́ soɛ kɛ diɛ masɛ la, bɛn nə́ mɔnaa. Nyɛ́ɛ n ma ganaa paǹ yii li. Ǹ nə́ kɔn yɛ maa sii-a, maǹ giɛ li ǹ ma nyin bɔ.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 5:3

Aa maa Kii, aa maa Lawa, ma nə n lɛ dii n din bíi we, n too kɔ ma lon doɛ̃. Ma nə n din nyankoe, ma nə n lɛ dii n din bíi we.

Loen 78:34

Bɛ̀ Lawa nə́ ǹ goon nyin bɔ ǹ mɛn pinaa, gialakunun kɛn man doe ǹ dinin ganaa, ǹ wusoo ǹ wo Lawa li.

Loen 84:2

Dɛnaa Lawa Pàãyiidɛnaa, n kion lɛ a sii á kɔɔ̃n ma-a, á la yii ni.

Loen 91:2

bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Bɔ bɛ̀rɛbaa nɛ 17:3

Mu boro zaman lɛ kũ walan, ǹ nə́ zùũzùũ si Muizu ganaa. Ǹ nə́ pɛ: «Wàa na á baa ń soo wɔ nɛ, n wɔ bɔ Ezipti gána nɛ? A n lɔn, ń tá toɛ wɔ n giɛ̃ muboro gɔn, wɔ laanka wɔa nɛnyaanan nɛ ka wɔa tɔɔn nɛ?»

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Loe kɔɔ̃n kɔɔ̃n 5:8

Zeruzalɛmu nɛlɔn lɛn, ma gɛlɛɛ ka nɛ! Bɛ̀ ka n na ma din foo dùũ wɔ lɛ nɛ, ka die ka pɛ-n kaa, mà kɔn-narɛɛ na á busu baa ma ganaa.

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Izayii 35:7

Nyɔɔsɔ̃ fuu kɛ á re n bɔyɛɛ a pɛrɛ baa, tán gere á re bɔyɛɛ, a mu yala bǎã baa. Tolokan nə goã giã ǹ bǎã mɛn nɛ, bùruu laanka sawɛɛ á re boe walan.

Izayii 41:18

Man die tà mu diɛ baa si ganaa kele mìi kooro-an la, ma mu yalan bũ nyankɔrɔ basa nɛ. Man die diə gole bɔyɛɛ ma baa pɛrɛ gole lɛa, ma tán gere baa mu bǎã lɛa.

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 12:43

Bɛ̀ nɔ̀ɔn babaraa soo á n bɔ min ni, a n woe n bibiĩ diə bǎãn nɛ, a ga susu ǹ bǎã li. Bɛ̀ a ba susu ǹ bǎã yii wa,

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Samayeli1 22:5

Lawa a boo gii-dali Gaadi pɛ Davida nɛ: «N baran goã n durii lɛ gɔ́ɔ̃-n wa, kiɛ̃ n nə n ta Zudaa gána nɛ!» Davida kiɛ̃ á woo á dɔ Erɛti daã li.