Loen 62:12 - LAWA A BOO SONBORE

¹² Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

LAWA A BOO SONBORE 2011

¹² Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Loen 62:12 ပူးပေါင်းရင်းမြစ်များ

Zɔbu 33:14

Á boo dɔ din diɛ ka yɔrɔ gigiã nɛ, sɛnɛ, wɔ n wɔ ba n yiri koɛ li wa.

Zɔbu 34:11

A giala, a n minbuiin nɛ sarɛɛ, a kɔnpɛ ka a zɛnaa ǹ sii ni. A n didie sarɛɛ, a kɔnpɛ ka a tɔ wɔ ǹ gɔn nɛ.

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Zɔbu 9:19

Bɛ̀ má pàã sii da a nɛ, a din dɔ n pàã lɛ lɛa. Bɛ̀ ga sonbore li ni, die n die a kiri we?

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 103:8

Dɛnaa Lawa tá min makara doɛ̃, a nə n yiri koɛ wɔ li, a foo a yui fufuu wa, kɔn-narɛɛ ná a foo pã.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Suusun 24:12

Kɔntan n tá re pii mà n ba sii kɔn siére-a wa. Sɛnɛ, min mɛn bɛ́ sii tumaa doɛ̃, bɛ á doɛ̃. A n giɛ n ganaa, á re didie sarɛɛ a kɔnpɛ ka a zɛnaa ǹ siin ni.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. «Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Ezekieli 18:30

Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa.

Ezekieli 33:20

wàa na á baa ka á pii mà Dɛnaa Lawa a zɛnaa ǹ sii na a pepere wa? Ka Izirayeli tɔrɔn lɛn, man die kiri kuri ka gogoonmaa la, a kɔnpɛ ka a zɛnaa ǹ sii ni.

Ezekieli 7:27

Kii á re gɛ̀ koɛ, a kiodɛnan tá re foo ziziɛ̃ ǹ mɔnaan we, gána lɛ a minin gɔ̀nɔn tá re bìn diɛ. Man die ǹ kuĩ ǹ zɛnaa ǹ sii li, ǹ doamaa bɛ́ ka dɔlɔ mɛn nɛ, ma bɛ da ǹ mìi ni. Bɛa biikoo li kəni, ǹ tá re doɛ̃, mà ma din nə Dɛnaa Lawa lɛa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Rɔmu minin 2:6

Lawa n die min gogoonmaa sarɛɛ, a kɔnpɛ a nya ǹ dí ni.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Efɛɛzi minin 6:8

Ka n yiri koa a nɛ, ta man bɛ̀rɛ lɛa hinlaa n din gɔn wìi a lɛa, didie sii bǐɛ̃ mɛn zɛnaa, á re bɛ yii Dɛnaa li.

Kolɔɔsi minin 3:25

Lawa a bɔkɔnlɛ we wa, bɛ̀ min dí kɔkɔrɔ nya, bɛa dɛnaa n die a dí kɔkɔrɔ nya ǹ saraa yii.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.