Loen 62:10 - LAWA A BOO SONBORE

¹⁰ Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

LAWA A BOO SONBORE 2011

¹⁰ Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Loen 62:10 ပူးပေါင်းရင်းမြစ်များ

Zɔbu 20:19

A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.

Zɔbu 20:29

Min baraa a dɔlɔ n ka bɛ lɛ nɛ, Lawa koa nɛ. A wɔ gii n ka bɛ lɛ nɛ, Lawa á re diɛ a mìi ni.

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa.

Loen 4:3

Ee minin! Ka n die ma piɛ̃ boe kɛnɛn yǎa biĩ? Ka n die min zɛ̀rɛ baa kooro narɛ yǎa biĩ? Ka n die baa sii soɛ kio kɛnɛn yǎa biĩ? *Doa

Loen 49:6

Lɛawaa baraa li, bɛ̀ maa zɔ́ɔn kɛn nə́ ma lɛnpɛnɛ ka ǹ zɔ́ɔbaa ǹ siin ni, wàa mɛn nyɛ́ɛ-n ma á biɛ?

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 91:14

Bɛ lɛ n ke Lawa á pii: A bɛ́ ma narɛ parsiini, man die boe sii ni, a bɛ́ ma doɛ̃, bɛ lɛ-n ma á re tamaɛ.

Suusun 23:5

Bɛ̀ ń nə n yii saa ń ga-a lɔn gɔrɔ a woo á ke. A nə n nyàan dii doɛ̃ ka sia bɛ́ lɔn yui woe.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 30:12

Bɛ lɛ nɛ, Izirayeli a Lawa sonbore á pii: «Ká n piã ka maa boon ne. Min mɛnɛn bɛ́ ka yiri siɛ̃, ǹ nə́ soɛ boe ka nɛ, ka nə n foo doɛ bɛn ganaa.

Izayii 40:15

Á ke, gánan man ka mu a dɔɔ bɛ́ lɔn doɛ sóo ne. Maǹ ka nyɔɔsɔ̃ nàn goon bɛ́ lɔn kilo la. Mu gánan mɛnɛn da bii, bɛn man puusə ka gusuũ bɛ́ lɔn.

Izayii 40:17

Tɔrɔn tumaa a kaa kun ba màn kɔn lɛa Dɛnaa Lawa yɔrɔ-a wa. Ǹ ba màn kɔn lɛa a yii li wa. Maǹ piɛ̃ lɛa a yɔrɔ-a.

Izayii 47:10

Ma nə n goã n foo doɛ n sii bɔbɔnɛɛn kɛn ganaa. Ma nə n goã taasɛ: «Min kɔn yii ba ma ganaa wa.» N yiridɛnaabaa laanka n sii-doɛ̃n lɛn man nə́ n sã. Ma nə́ n goã taasɛ: «Ma miã banban, min kɔn ba ka ma bɛ́ lɔn wa.»

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Zeremii 13:25

Dɛnaa Lawa a da ǹ boo á ke: Zeruzalɛmu, sii mɛn bɛ́ re n yii, ma sii mɛn yɔrɔ bɔ n wɔ lɛa, bɛ á ke. A giala, n yiri bɔ ka ma nɛ ń nə n foo doa lawa kooron ganaa.

Zeremii 17:11

Min mɛn bɛ́ pàãma biɛ yɔrɔ baraa la, bɛa dɛnaa na á kɔnbɔ ka koo dan nɛ, á waa gìi la, a ná a gìi dɔ da wa. A toa a yii n koo foo kɔɔ̃n la, naforo lɛ nə n gɔn boe a ganaa. A nə n gɔn nyɔmiɛ̃ baãnaa lɛa.

Marki 10:23

Yezu ga a kialandɛnan ganaa a paran li, á tɔ́n pɛ ǹ nɛ kɛnɛn: «Pàãman wɔ Lawa a kiibaa ǹ bǎã tá re kaka koe!»

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.