Loen 6:10 - LAWA A BOO SONBORE

¹⁰ Dɛnaa Lawa maa gòã-kũ ma, á re maa nyankɔ sii.

LAWA A BOO SONBORE 2011

¹⁰ Dɛnaa Lawa maa gòã-kũ ma, á re maa nyankɔ sii.

Loen 6:10 ပူးပေါင်းရင်းမြစ်များ

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Zɔbu 6:29

Ka wusoo ka kio ne, ka nyan mɛnaa ma la wa. Ka wusoo ka kio ne, ka dɔ̃ sonbore, mà ma sii la wa.

Loen 112:10

Min baraa n die yii, a n lɛ məə li, a n die n lɛ sɔ̃sɔ̃ li, a fɔ̃. A gɔ́ɔ̃gɔ́ɔ̃ ǹ sii tumaa n kooro biɛ.

Loen 132:18

Man die sìi dɔnkɛ we a zɔ́ɔn kɛn ganaa. Sɛnɛ, man die gɔlɔbaa ǹ bafolo we asɛ mìi ganaa.

Loen 2:5

Bɛ kio a foo yoo ǹ li, á boo da. Bɛa foo boo kɛ lɛ nə́ ǹ foo biɛ na.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 35:26

Min mɛnɛn tumaa bɛ́ maa bɔ̀n yaa we, toa sìi gole nə ǹ kũ, ǹ puusə kɔ. Min mɛnɛn tumaa bɛ́ ǹ dinin koɛ ma ganaa, toa sìi nə ǹ kũ, ǹ yii kiɛɛrɛ kɔ.

Loen 5:10

Sonbore goon ba soe ǹ lɛ-n wa, ǹ ba taasiɛ kɔsɔ we wa, yǎa basaã, ǹ gɔ́ɔ̃ kɛ n ka gere yala bɛ́ lɔn, ǹ lɛwɔn ba boo goon diɛ wa.

Loen 55:20

Lawa die a ma lɛ ma, a sìi da ǹ ganaa, Lawa mɛn bɛ́ kii lɛa, haalɛ lɛlɛ lɛlɛ. Doa Minin kɛn lɛn ba re n bɔyɛɛ wa, a giala, ǹ ba nyɛ́ɛ biɛ Lawa-n wa.

Loen 7:6

toa maa zɔ́ɔ ma loo a dɔ ma ganaa, toa a ma dɛ a ma tuturu tán, a ma nyin wɔ tii li. *Doa.

Loen 71:13

Min mɛnɛn bɛ́ giɛ maa zɛ̀rɛbaa ǹ gɔn li, toa bɛn nə wo papaã sìi gɔn. Min mɛnɛn bɛ́ giɛ maa bɔ̀n li, toa bɛn nə puusə-kɔ yɛ taãn-taãnɛ.

Loen 71:24

Biikoo tumaa li, man die n peperebaa kɛ boo diɛ, a giala, mà min mɛnɛn bɛ́ giɛ maa bɔ̀n li, sìi bɛn kũ, ǹ nə́ puusə-kɔ dɔ yɛ.

Loen 73:19

Boɛɛnɛ, basaã gole á die ǹ yii. Á ke ǹ nə́ nya, ǹ nə́ papaã nyɛ́ɛ gɔn.

Loen 86:17

Sii zɛnaa maa wɔ paǹ li, n nyaa foaãnɛ. Bɛa yɔrɔ kɛ lɛ la, sìi á re maa zɔ́ɔn kuĩ, bɛ̀ ǹ tá yii, mà n din Dɛnaa Lawa nə n doe ma lɛ, n tá ma foo taɛ̃.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.