Loen 59:13 - LAWA A BOO SONBORE

¹³ Ǹ boo bɔbɔnboɛɛn tumaa n sɔ lɛa, ǹ nə́ koe n ganaa. Toa ǹ din gole kɔ lɛ nə ǹ dinin kũ, ka kan bɛ́ lɔn. A giala ǹ sii tumaa n doa-n kɛ ganaa, boo baraa diɛ laanka soɛ-bɔ.

LAWA A BOO SONBORE 2011

¹³ Ǹ boo bɔbɔnboɛɛn tumaa n sɔ lɛa, ǹ nə́ koe n ganaa. Toa ǹ din gole kɔ lɛ nə ǹ dinin kũ, ka kan bɛ́ lɔn. A giala ǹ sii tumaa n doa-n kɛ ganaa, boo baraa diɛ laanka soɛ-bɔ.

Loen 59:13 ပူးပေါင်းရင်းမြစ်များ

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

Loen 10:7

A lɛ gɔ́ɔ̃ ǹ boo yii n baraa, soɛ, kakaarɛ, boo ziziɛ̃ laanka boo basaã n soe a lɛ-n.

Loen 104:35

Sii baraa-zɛnaali kɛn die ǹ papaã ǹ nə n bɔ tán la, n nyan min baraan kɛn toa kanaa doo wa. Man kɔnboe ma barka da Dɛnaa Lawa nɛ ka ma foo tumaa nɛ, ma pɛ, máa aleluya! Ka Dɛnaa Lawa tɔ bɔ!

Loen 109:17

Minin koe boo na á goã kɔɔ̃n a ganaa, bɛ lɛ die a wusoo, a na a din yɛ. Minin barka dama-a ǹ boo goã kɔɔ̃n a ganaa wa, a dɔ baran barka dama-a yɛ wa.

Loen 59:11

Maa Lawa mɛn a minin narɛ bɛ́ gole, bɛ á re die ma li, á re toɛ ma maa zɔ́ɔn yɛ fɔ̃ gɔ́ɔ̃ nɛ.

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Loen 7:9

Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Suusun 12:13

Min baraan man kòso-n ǹ soɛn taman yii. Sɛnɛ, koe a sii sonbore-zɛnaali yii wa.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Ezekieli 38:23

Ma á re ma din a golebaa laanka ma din a Lawabaa kɛ nyɛɛ tɔrɔ kɔsɔn tumaa nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Ezekieli 39:7

Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ.

Minin nimi 32:13

Muizu mà bɛ lɛ n ke, Dɛnaa Lawa foo yoo Izirayeli minin lɛn li á ǹ kaa birin bɔ ganaa lɛ̀ pusi, diə gole gɔ́ɔ̃ nɛ, yǎa bɛa biikoo lɛ a minin tumaa gã ǹ nə́ nya. Sii mɛn bɛ́ a ba Dɛnaa Lawa foo sii wa, bɛa biikoo lɛ a minin man nə́ bɛ zɛnaa.