Loen 56:8 - LAWA A BOO SONBORE

⁸ Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

LAWA A BOO SONBORE 2011

⁸ Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 56:8 ပူးပေါင်းရင်းမြစ်များ

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Zɔbu 16:20

A laanɛ maa giaáran kɛn tá ma diɛ yaa lɛa, masɛ n wuu pii Lawa ganaa.

Loen 121:8

N woo ne ka n bɔyaa nɛ, Dɛnaa Lawa á re n tamaɛ, a saa kanna ganaa yǎa duduu.

Loen 139:16

Ma laan bɛ̀ ma yɛ, bɛ̀ n yii tá ma ganaa. Lɛawaan mɛnɛn nə n kɔ ma la, má n die zɛnɛɛ kanaa, ń bɛn tumaa kiɛ̃ n sɛ́wɔ kɛ nɛ, bɛ̀ ǹ tɔn nə n giala kɔ wa.

Loen 39:12

Ma n minbuiin nɛ a sii baraa a dɔlɔ boe a ganaa, n tá doree. Màn mɛn sii bɛ́ kaka a ganaa, man bɛ lɛ ziziɛ̃, ka nyuun bɛ́ màn ziziɛ̃ lɔn. Sonbore, minbuiin nɛ tumaa n ka piɛ̃ kooro bɛ́ lɔn. Doa.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 18:23

Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Matiə 10:30

Sɛnɛ, Lawa tá ka mìi ka din tumaa lɛ doɛ̃.

Korɛnti2 11:26

Maa zii tɔ wɔ gigiã kɛ gɔ́ɔ̃ nɛ ka ma gòã nɛ, sii gɔgɔrɛn nə́ ma yɛ tà kuru ǹ bǎãn nɛ, waa zii ganaa wolen wɔ paǹ li, ma dɔɔ̃n Zuifun wɔ paǹ li, tɔrɔ kɔsɔn wɔ paǹ li, kiwi dadaran gɔ́ɔ̃ nɛ, ka don sabii ni, yìsi mu li ni ka ma din dɔɔ̃n babaraan nɛ.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 11:38

Kanaa lɛ goã kɔnboe bɛa minin kɛn lɛn nə goã a-n wa. Maǹ nə́ goã n bibiĩ don biin ni, kelen la ka yala kɔrɔ gɔ́ɔ̃n nɛ.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»

Samayeli1 19:18

Davida bɛ́ á baa si á la miɛ̃, á woo dɔ Samayeli li Ramaa kiwi. Sayulu màn mɛn yii zɛnaa nɛ, á bɛ pɛ nɛ. Bɛ kio, Davida laanka Samayeli woo Naayɔti, ǹ nə́ giã walan.

Samayeli1 27:1

Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»