Loen 56:5 - LAWA A BOO SONBORE

⁵ Man Lawa tɔ boe a lɛ-kɔ kɛa lɛa. Masɛ nə n foo doɛ Lawa ganaa, nyɛ́ɛ ba ma-a wa. Minbuiin nɛ kooro kɛ n die wàa zɛnɛɛ ma nɛ?

LAWA A BOO SONBORE 2011

⁵ Man Lawa tɔ boe a lɛ-kɔ kɛa lɛa. Masɛ nə n foo doɛ Lawa ganaa, nyɛ́ɛ ba ma-a wa. Minbuiin nɛ kooro kɛ n die wàa zɛnɛɛ ma nɛ?

Loen 56:5 ပူးပေါင်းရင်းမြစ်များ

Kiin1 18:2

Yilii woo n din nyaa Akaabu ni. Bòo lɛ bɛ́ á goã woɛ̃ nɛ, Samarii kiwi,

Loen 118:6

Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

Loen 41:7

Bɛ̀ ǹ mɛn daa n yii kɔ ma ganaa, a na á daa sii kɔsɔ-a, a na á baraa taasɛ a din gɔ́ɔ̃ nɛ. Bɛ̀ á soo kanaa, a n bɛ lɛ pii.

Loen 49:6

Lɛawaa baraa li, bɛ̀ maa zɔ́ɔn kɛn nə́ ma lɛnpɛnɛ ka ǹ zɔ́ɔbaa ǹ siin ni, wàa mɛn nyɛ́ɛ-n ma á biɛ?

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Matiə 22:15

*Fariziɛ̃n kɔnɔn nə́ woo kɔn yɛ màn mɛn bɛ́ toɛ, ǹ wo Yezu lɛ zulu, ǹ kũ ka a din lɛ gɔ́ɔ̃ ǹ boo ne.

Matiə 26:61

ǹ nə́ pɛ: «Giĩ kɛ lɛ pɛ mà asɛ á boe la a Lawa a kion kɛ wuru, asɛ wusoo a kɔsɔ dɔ lɛawaa sɔɔ gɔ́ɔ̃ nɛ.»

Luku 11:54

maǹ nə́ goã n diɛ a para li ǹ nə́ giɛ, bɛ̀ á re a din da kanaa ǹ boo kɔ́n diɛ.

Zaã a sɛ́wɔ 2:19

Yezu tɔ́n pɛ ǹ nɛ: «Ka Lawa a kion kɛ wuru, masɛ n wusii ma dɔ lɛawaa sɔɔ gɔ́ɔ̃ nɛ.»

Piɛrɛ2 3:16

A n bɛ lɛ pii a sɛ́wɔn tumaa nɛ bɛa siin lɛn wɔ gɔn la. Sonbore, a sɛ́wɔn lɛn nɛ, bǎã kakan tɛnɛn tan minin kɔnɔn nə́ ǹ boo giala kɔkɔrɔ. Bɛa minin kɛn lɛn man sii giala ma baãnaan lɛa ka foo-doa baãnaan nɛ. Maǹ bɛa dí kɛ lɛ nyɛɛ Lawa a boo lɛ a paǹ gialakunun kɛn dɔn ganaa. Ǹ dinin bɔ̀n-baa ǹ dí ni.

Samayeli1 18:17

Sayulu pɛ Davida nɛ: «Maa nɛlɔ goledɛnaa Meraabu lɛ á ke, man die a din lɛ koe n la lɔ lɛa. Sɛnɛ, n doa n dí nya masɛ nɛ, n Dɛnaa Lawa a zian da.» Sayulu na á goã taasɛ mà asɛ ba n gɔn diɛ Davida ganaa a dɛ wa, mà Filisiti minin die n dɛ.

Samayeli1 18:21

Sayulu na á goã taasɛ ma asɛ n die Mikaali koe Davida la, màn mɛn bɛ́ toɛ Mikaali na a mìi dɔ li, Filisiti minin gɔn die a dɔ ganaa. A gunyin paabaa ǹ wɔ n ke Sayulu n pii Davida nɛ mà a tá re asɛ daãgiĩ biɛ kanna.

Samayeli1 18:29

Sayulu wusoo, á nyɛ́ɛ baa Davida nɛ á kaa li, á tɔ́n Davida baa zɔ́ɔ a yiikoonaabaa tumaa gɔ́ɔ̃ nɛ.

Samayeli1 20:33

Sayulu ná a sɛmiɛ̃ zũ Zonaatan nɛ, mà a n dii. Zonaatan tɔ́n dɔ̃ mà ǹ di lɛ wen waamaa nɛ ka Davida nyin bɔ boo ne.

Samayeli1 20:7

Bɛ̀ kii lɛ pɛ mà a tá siĩni, piɛ̃ na á kaa a dí-nyali lɛ ganaa. Sɛnɛ, bɛ̀ a foo yoo, a dɔ̃, mà a na á n yɔrɔ bɔ á n die masɛ dii.