Loen 55:20 - LAWA A BOO SONBORE

²⁰ Lawa die a ma lɛ ma, a sìi da ǹ ganaa, Lawa mɛn bɛ́ kii lɛa, haalɛ lɛlɛ lɛlɛ. Doa Minin kɛn lɛn ba re n bɔyɛɛ wa, a giala, ǹ ba nyɛ́ɛ biɛ Lawa-n wa.

LAWA A BOO SONBORE 2011

²⁰ Lawa die a ma lɛ ma, a sìi da ǹ ganaa, Lawa mɛn bɛ́ kii lɛa, haalɛ lɛlɛ lɛlɛ. Doa Minin kɛn lɛn ba re n bɔyɛɛ wa, a giala, ǹ ba nyɛ́ɛ biɛ Lawa-n wa.

Loen 55:20 ပူးပေါင်းရင်းမြစ်များ

Samayeli2 18:12

Sɛnɛ giĩ lɛ pɛ Zoabu ni: – Ta n din nə wɔrɔ duu goon kiɛ ma gɔn, masɛ a re n gɔn diɛ kii a nɛgiĩ ganaa wa. A giala, kii bɛ́ n gɔn wɛɛ n laanka Abisayii ni ka Itayii ni ǹ mɛn pinaa, wɔsɛn dɔn too ma: «Min kɔn nyan toa a n gɔn da Abusalɔn ganaa wa.»

Samayeli2 2:4

Zudaa minin nə́ daa, ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa kii lɛa Zudaa gána mìi la. Ǹ nə́ daa pɛ Davida nɛ, mà Zabɛɛsi kiwi mɛn bɛ́ Galaati gána nɛ, mà bɛ lɛ a minin man nə́ Sayulu gere bĩ.

Samayeli2 5:3

Izirayeli minin lɛn min golen nə́ daa dɔ kii lɛ li Ebrɔn. Kii Davida lɛ kɔn la wɔ ǹ nɛ Ebrɔn, Dɛnaa Lawa yɔrɔ-a. Ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa Izirayeli minin lɛn kii lɛa.

Kiin2 17:34

Pelo, pelo, maǹ tɔn nə ǹ sii zɛnaa ǹ gɔn zizi la. Ǹ ba Dɛnaa Lawa guguru koe wa. Landa boon laanka sii yɔrɔ bɔ ǹ boon mɛnɛn nə ǹ wɔ baa, ǹ ba koe bɛn lɛ wa. Zakɔba mɛn bɛ́ Dɛnaa Lawa ná a tɔ kɔ mà Izirayeli, Dɛnaa Lawa goã á dí-pɛn laanka gɔn waa ǹ boon mɛnɛn kɔ bɛa nɛnyaanan kɛn la, ǹ ba koe bɛn dɔn lɛ wa.

Loen 109:5

Ǹ nə́ maa bǐɛ̃ saraa ka baraa nɛ, ǹ nə́ maa dàãbaa saraa ka zɔ́ɔbaa nɛ.

Loen 6:10

Dɛnaa Lawa maa gòã-kũ ma, á re maa nyankɔ sii.

Loen 7:4

Dɛnaa Lawa, maa Lawa, maǹ pii mà ma zɛ̀rɛ nɛ. Bɛ̀ má zɛnaa ka ǹ bɛ́ pii lɔn, bɛ̀ ma din gɔn kɛ sii la sonbore,

Loen 89:28

Masɛ dɔ n die a dɔ biɛ maa nɛgiĩ gole lɛa, kii lɛa, á n gole á la kanaa a kiin manɛ.

Loen 89:34

Sɛnɛ, ma bɛ́ kɔn-narɛɛ gole mɛn zɛnɛɛ Davida nɛ, ma a re bɛ sàabiɛ a wɔ paǹ li wa. Ma a re wusii maa lɛ kɔ kɔn la kɛ dɔ kio wa.

Loen 89:38

ka mui dɔ bɛ́ lɔn, a ná a tan duduu, a bǎã nɛ, siére sonbore lɛa, labaran kio. Doa.

Loen 93:2

Dɛnaa Lawa, n kiibaa lɛ giala n we-n haalɛ lɛlɛ-lɛlɛ. N dinmaa dɔ nə n tan, biikoo ná a ba la wa.

Boo-laakalaali 8:2

Masɛ máa bɛ̀ kii boo mɛn da, n bɛ si lɛ-kɔ kɛ taman yii, ń wɔ Lawa yɔrɔ-a.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Nya ǹ dín 12:1

Bɛa biikoo kɛ lɛ li, kii Erɔdi ná a giala kɔ á Lawa a sɔmɔ minin tɛnɛn nɔmiɛ.

Samayeli1 22:17

Bǎã-lɛduə̃lin mɛnɛn nə goã golee ne kii lɛ genli, kii lɛ pɛ ǹ nɛ: «Ka n bɔyaa ka Dɛnaa Lawa a wúlu-bɔlen lɛn dɛ ǹ gã. A giala, ǹ dɔn giala n kun ka Davida nɛ, ǹ nə́ dɔ̃ dinin taãn-taãnɛ mà Davida n baa sii, sɛnɛ, ǹ pɛ ma-n wa.» Sɛnɛ, kii a dí-nyalin lɛn nə́ n piã mà ǹ ba ǹ gɔn diɛ Dɛnaa Lawa a wúlu-bɔlen lɛn ganaa wa.

Samayeli1 24:10

Davida pɛ Sayulu ni: – Min mɛnɛn bɛ́ pii, mà á ke, mà Davida n giɛ li a sii baraa zɛnaa n nɛ, wàa na á baa, n tá n too koe ǹ lon?