Loen 52:1 - LAWA A BOO SONBORE

¹ LOE-saalin goledɛnaa loe mɛn lɔ. Davida a loe.

LAWA A BOO SONBORE 2011

¹ Loe-saalin goledɛnaa loe mɛn lɔ. Davida a loe.

Loen 52:1 ပူးပေါင်းရင်းမြစ်များ

Loen 10:7

A lɛ gɔ́ɔ̃ ǹ boo yii n baraa, soɛ, kakaarɛ, boo ziziɛ̃ laanka boo basaã n soe a lɛ-n.

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 107:1

Ka barka da Dɛnaa Lawa nɛ, a giala, á siĩni. A kɔn-narɛɛ gole kɛ a nyɛɛ duduu wa.

Loen 54:3

Lawa! Ma kirisibaa ka n din tɔ nɛ, ma si sii la ka n din pàã nɛ.

Loen 59:7

Wasamiɛ̃-n lɛn li, maǹ die ka ginin bɛ́ lɔn. Maǹ nə n lɛ dii, ǹ nə́ kiwi lɛ lɛnpɛnɛ.

Loen 7:14

A na a gɛ̀-dɛ ǹ mànan yɔrɔ boe, a nə ǹ yɔrɔ boe ka kiɛ tɛdɛnan nɛ.

Loen 94:4

Maǹ boo ziziɛ̃n diɛ, ǹ tá ǹ dinin kalɛɛ, bɛa baraa-zɛnaalin kɛn lɛn tumaa.

Bɔ bɛ̀rɛbaa nɛ 22:9

«Bɛ̀ min dundun koa ǹ miã kɔsɔ li, hinlaa dii, sère, hinlaa tɔɔ tɔrɔ kɔsɔ, bɛ̀ tɔɔ lɛ gã, hinlaa bɛ̀ á busu da a din ganaa, hinlaa bɛ̀ mɛnaa minin la wolen nə́ kũ, siére ná a yɛ á sii la wa,

Suusun 6:14

A gɔ́ɔ̃ n tì, a n taasiɛ baraa we biikoo yii li. A n zia yiɛ.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Zeremii 41:4

Gedalia a gɛ̀ lɛawaa, min kɔn tɔn ma mà á gã wa.

Zeremii 9:8

Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa? Dɛnaa Lawa a da ǹ boo ne.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Timote2 3:2

A giala, minbuiinin tá re zuũ-bɔlen biɛ, ǹ ga màn li sii á re kaka koe. Ǹ tá re n dinin laakalɛɛ, ǹ nə n dinin gole kɔ. Ǹ tá re Lawa tɔ ziziɛ̃, ǹ ba re ǹ yɛ wolen bɔlɔ miɛ wa, ǹ ba re bǐɛ̃ doɛ̃ wa. Ǹ tá re n yii we Lawa la,

Samayeli1 21:7

Ǹ bɛ́ ǹ nə́ buuru mɛn kɔ Lawa la, Lawa a wúlu-bɔle lɛ tɔ́n bɛ kɔ Davida la. A giala, buuru kɔsɔ goã a tan wa, bɛ̀ á n bɔ bɛa buuru kɛ lɛ nɛ, koa nɛ Dɛnaa Lawa yɔrɔ-a, a gɔ ǹ wɔ lɛa. Bɛ̀ ǹ tá re siɛ ǹ mɛn pinaa, maǹ buuru fuu koɛ a bǎã nɛ.