Loen 51:17 - LAWA A BOO SONBORE

¹⁷ Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

LAWA A BOO SONBORE 2011

¹⁷ Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

Loen 51:17 ပူးပေါင်းရင်းမြစ်များ

Kiin2 22:19

a giala, boon lɛn nə́ dí nya n foo ne. Ma bɛ́ má màn mɛn pɛ bǎã kɛ lɛ laanka a minin wɔ paǹ li máa bɔ̀n tá re bǎã lɛ yii, koe dɔ bɔ bɔ-a, n bɛ́ ń bɛa boo lɛ ma, man nə́ n din gisĩ masɛ Dɛnaa Lawa yɔrɔ-a, n nə́ n mɔnaan tɔtoɛ̃, ń wuu pɛ ma yɔrɔ-a, ma dɔ tɔ́n nə n nyankɔ lɛ ma. Dɛnaa Lawa a da ǹ boo ne.

Loen 102:17

Dɛnaa Lawa bɛ́ re wusii a Zeruzalɛmu kiwi kɛ dɔ doo, a bɛ́ re wusii a n din nyaa foaãfoaã, a gugurubaa kɛ nɛ.

Loen 107:22

Ka barka da ǹ wúlu mànan kɔ Lawa la. Ka foo kɔɔ̃nbaa ǹ loe lɔ, ka a nya ǹ dín kɛn laakalaa nɛ.

Loen 147:3

Min mɛnɛn foo bɛ́ busii ni, a din nə bɛn foo-busii nyɛɛ, a din nə foo-basiɛ̃ koe ǹ la.

Loen 22:24

Kasɛn mɛnɛn bɛ́ nyɛ́ɛ biɛ Dɛnaa Lawa nɛ, ka a tɔ bɔ! Kasɛn, Zakɔba tɔrɔn tumaa, ka a guguru kɔ! Kasɛn, Izirayeli tɔrɔn tumaa, ka nyɛ́ɛ baa nɛ!

Loen 34:18

Bɛ̀ min peperen lɛn nə́ n lɛ dɛ, Dɛnaa Lawa n bɛ miɛ, a nə ǹ kirisibiɛ a ǹ bɔ ǹ fuu siin tumaa gɔ́ɔ̃ nɛ.

Bɔ bɛ̀rɛbaa nɛ 37:22

Kòròn lɛn laanka gùrùn lɛn tumaa n kɔn ka a dinmaa tumu lɛ nɛ, ǹ nə́ dɛ ǹ nə́ zɛnaa ka sana *yoreen ne.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Ezekieli 9:6

Min golen ne, giĩ tenən ne, nɛniɛ tenən ne, nɛnyaanan laanka lɔn nɛ, ka ǹ tumaa dɛ lenlen. Sɛnɛ, nyaǹ lɛ bɛ́ min woo min ganaa, ka nyan toa ka n mɔrɔ bɛ-a wa. Ka a giala kɔ maa kion lɛ ganaa.» Min goleen mɛnɛn bɛ́ kiãn lɛa ǹ nə́ goã Lawa a kion lɛ yɔrɔ-a, ǹ ná a giala kɔ ǹ nə́ bɛn dɛ.

Amɔɔsi 5:21

Kaa zɔ́nɔn kɛn lɛn bɛ̀ ká n zɛnaa, ma ba ǹ li wa, ǹ tìĩ bɔ ma nyin ni. Kaa lɛ-sɔkɔnɔn kɛn bɛ̀ ka ǹ wɔ, á ma gɔ̀nɔn bɔ.

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Marki 12:33

Bɛ lɛ na á toa, min doamaa nɛ a Lawa narɛ ka a foo din tumaa nɛ, ka a yiri din tumaa nɛ, ka a pàã din tumaa nɛ, a doamaa nɛ a ǹ miã kɔsɔ dɔ narɛ ka a bɛ́ a din narɛ lɔn. Bɛ á soɛ parsiini á la *wúlu màn tiɛ̃ laanka wúlu tɔrɔ kɔsɔn tumaa nɛ, ǹ bɛ́ ǹ mɛnɛn koe Lawa nɛ.»

Luku 15:10

Masɛ n pii ka nɛ, bɛ̀ sii baraa-zɛnaali goon toto wusoo a sii baraan kio á golee Lawa li, bɛa yɔrɔ kɛ lɛ la, nyɛnyɛɛ tá Lawa a dia dí-a wolen li lon, bɛa dɛnaa lɛ a lɛa.»

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Filipi minin 4:18

Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.