Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Loen 51:16 - LAWA A BOO SONBORE

16 Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

16 Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

အခန်းကိုကြည့်ပါ။ ကော်ပီ




Loen 51:16
19 ပူးပေါင်းရင်းမြစ်များ  

Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.


Dɛnaa Lawa, maa Lawa, n siin mɛnɛn yɔrɔ bɔ wɔa lɛa, ń kaãbaa ǹ siin zɛnaa, ǹ tá dadara. N miã din banban. Man li ma bɛ lɛ pɛ, ma timəə la, sɛnɛ, ǹ bɛ́ ǹ nə́ mɔnaa ǹ nə́ la yii ni.


N wúlu mànan kɛn lɛa bie ma tá n zɛ̀rɛ biɛ wa. N tá wúlu mànan tiɛ̃ ma yɔrɔ-a baraabaraa.


Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.


Baraabaraa, n peperebaa boo kɛ n ma lɛ-a, ma nə n minin kirisibaa kɛ boo diɛ. Ma ba n bǐɛ̃-zɛnaa kɛ din lɛ doɛ̃, ma pɛ wa.


Sɛnɛ, bɛ̀ min foo busu ǹ miã li, á ga li, á dɛ ka yiri ni, ta bɛa gɛ̀-dɛle kɛ lɛ na á n duru *wúlu bɔ ǹ bǎã nɛ, ǹ bɔ walan ǹ dɛ, a gã.


Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.


Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.


Nsɛ Zeremii, n die n bɛ tumaa pɛ ǹ nɛ. Sɛnɛ, ǹ ba re n too koe n lon wa. N tá re ǹ bíi, sɛnɛ ǹ ba re n nyii wa.


Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.


Bɛ̀ min goon dinsɔɔ̃ sii baraa zɛnaa, a ná a bie á zɛnaa woon wa, a wúlu bɔ ka lɛ̀ goon bòe ne, bɛa sii baraa lɛ taman yii.


Bɛ̀ gɛ-dɛli mɛn doamaa-n ka gɛ̀ nɛ, ka baran toa ka paa si, ka a yii toa koo wa. Ka dɛ a gã.


Lɔ mɛn bɛ́ zuũ li, bɛ̀ ǹ nə́ giĩ mɛn kũ a gialaa giɛ bɛ li, giĩ lɛ laanka lɔ lɛ nɛ, ǹ doamaa nɛ ǹ nə ǹ dinin paanan dɛ. Ka zɛnaa miɛ̃ ka sii baraa bɔ ka bɔ Izirayeli gána nɛ.


Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ