Loen 51:11 - LAWA A BOO SONBORE

¹¹ N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

LAWA A BOO SONBORE 2011

¹¹ N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

Loen 51:11 ပူးပေါင်းရင်းမြစ်များ

Siin Giala 4:14

Bɛ̀ ń ma loo pelo, ń ma bɔ tán kɛ la, ma á re goɛ̃ durii ni n la. Ma n die goɛ̃ bibiə̃ wole lɛa, gùli lɛa, kanaa kɛ gɔ́ɔ̃ nɛ biikoo tumaa li. Bɛ̀ min woo min n ma yɛ, á die ma dii.»

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Samayeli2 7:15

Sɛnɛ, Sayulu mɛn nə́ ke ma nyɛnaa má bɔ n nyɛɛnɛ, ma a re maa bǐɛ̃ kɛ nyɛnɛɛ ma bɔ li ka ma bɛ́ má nyɛnaa má bɔ Sayulu li lɔn wa.

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Kiin2 24:20

Bɛa sii kɛ lɛ na á Zeruzalɛmu laanka Zudaa tɔrɔn yɛ, a giala Dɛnaa Lawa foo na á yoo ǹ li, á ǹ wɔlɔ lui a din ganaa. Bɛ kio, Sedekiasi nə́ n gòãn dii Baabilonii a kii lɛ ganaa.

Loen 43:2

Lawa, n din nə ma pàã lɛa. Wàa na á baa n tá ma tii? Wàa na á baa ń toɛ ma á woe ka yɔrɔ-kɔsiɛ nɛ, maa zɔ́ɔn kɛn nə́ ma gialaa?

Loen 71:18

Lawa! A laanɛ má zizi kɔ kanna, ma mìi ka fulu, n baran n gɔn bɔ ma ganaa wa. N dɔ ma lɛ, ń giɛ ma tá n din a boo sii la laakalɛɛ sisia minin kɛn manɛ, ma n din a Pàãyiidɛnaabaa kɛ pɛ ǹ kiodɛnan tumaa nɛ.

Loen 71:9

Kanna má zizi kɔ, n baran ma daa wa. Ma pàã bɛ́ nyɛɛ, n baran n gɔn bɔ ma ganaa wa.

Zeremii 7:15

Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Luku 11:13

Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Sii yɔrɔ-bɔlen 13:25

Dan minin giã ǹ bǎã kɛ nɛ, Soreya laanka Ɛsitawɔli bii, bɛa bǎã lɛ nɛ, Dɛnaa Lawa Yiri ná a giala kɔ á dí nya Sansɔn ganaa.

Sii yɔrɔ-bɔlen 15:14

A bɛ́ á dɔ Leyii kiwi, Filisiti minin lɛn nə́ daa n da lɛ ka lɛ-dɛ nɛ. Sɛnɛ, Dɛnaa Lawa Yiri wɔ Sansɔn nɛ. Bɛ lɛ nɛ, ǹ na a gɔnɔn yii ka biɛn mɛnɛn nɛ, bɛn nə́ n bɔyaa ǹ nə́ n baa ka baasan biɛ mɛn bɛ́ tɛ kũ. A biɛn lɛn nə́ kaa, ǹ nə́ n bɔ a gɔnɔn ganaa.

Sii yɔrɔ-bɔlen 16:20

Bɛ kio, Delilaa nə́ n lɛ dɛ á pɛ: «Sansɔn wee, Filisiti minin lɛn tá die n gialaa!» Sansɔn yoo á n bɔ a nyuù lɛ nɛ, á n taasɛ mà asɛ á re n din boe a nɛ, a n din si ka lɛlɛ wɔn kɛn lɛn bɛ́ lɔn. Sɛnɛ, a goã doɛ̃, mà Dɛnaa Lawa nə́ n bɔ á n bɔ li lenlen wa.

Samayeli1 10:10

Ǹ bɛ́ ǹ nə́ dɔ Gibeya, Lawa a boo gii-dalin nə́ kaa kun ǹ nə́ daa ǹ da lɛ. Lawa yiri gisĩ la, á Lawa a boo gii-dali baa ǹ siin zɛnaa kunun ǹ ni.

Samayeli1 16:14

Dɛnaa Lawa yiri woo, á Sayulu daa. Dɛnaa Lawa toa nɔ̀ɔn baraa gisĩ Sayulu la, á goã a yiri lɔlɛkɔn.