Loen 51:10 - LAWA A BOO SONBORE

¹⁰ Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

LAWA A BOO SONBORE 2011

¹⁰ Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Loen 51:10 ပူးပေါင်းရင်းမြစ်များ

Loen 24:4

Min mɛn bɛ́ a gɔn sii la wa, a foo dɔ n *yoreen ne, a ná a ba koe soɛ zii lɛ wa, a ba n liɛ ka soɛ-n wa, bɛa dɛnaa nɛ.

Loen 35:10

Ka ma foo tumaa nɛ, ma á re pii: máa Dɛnaa Lawa, die n ka n bɛ́ lɔn? N din nə pàãwɛɛnaa sii pàãdɛnaa la, n din nə pàãwɛɛnaa laanka doobaa sii ǹ piɛ̃-bɔle la.

Loen 73:1

Asaafu a loe. Sonbore, Lawa lɛ á Lawa bǐɛ̃ lɛa Izirayeli nɛnyaanan wɔ paǹ li, ka min mɛnɛn dɔn bɛ́ ǹ gɔ́ɔ̃ n fu.

Loen 78:37

Ǹ foo goã kun ka Lawa-n taãn wa, ǹ goã n foo doɛ a lɛ kɔ kɔn la ǹ boo kɛ ganaa wa.

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Suusun 20:9

Die n boe la a pɛ: «Má n gɔ́ɔ̃ baa fu. Maa sii baraan nə́ n pii ǹ nə́ n bɔ ma ganaa.»

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Ezekieli 11:19

Ma á re foo dii koe ka la, ma yiri dii kɔ ka la. Foo kakabaa mɛn bɛ́ ka nɛ ka kɔlɔ bɛ́ lɔn, ma á re bɛ boe ma minbuiin nɛ baa ǹ foo basiɛ̃ kɔ ka la.

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Matiə 5:8

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Kolɔɔsi minin 3:10

ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Zaaki 1:8

a giala, a gɔ́ɔ̃ n paa, a sii kɔ́n ba a giala la wa.

Zozoe 14:14

Bɛ lɛ n ke, Ebrɔn kiwi tá tɔn Kenizi tɔrɔ Zefunee a nɛgiĩ Kalɛbu wɔ lɛa, yǎa a da kaa pelo lɛ. A giala, a na á goã á kɔ Dɛnaa Lawa, Izirayeli minin Lawa lɛ ka a foo tumaa nɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.