Loen 50:23 - LAWA A BOO SONBORE

²³ Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

LAWA A BOO SONBORE 2011

²³ Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Loen 50:23 ပူးပေါင်းရင်းမြစ်များ

Loen 120:1

Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

Loen 22:23

Ma á re n boo diɛ ma dɔɔ̃nɔn manɛ. Ma á re n tɔ boe zaman bii.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Loen 27:6

Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

Loen 34:5

Má lɛ dia Dɛnaa Lawa la, á n nyəə ma la, á ma kirisibaa maa nyɛ́ɛ tumaa ganaa.

Loen 85:13

Dɛnaa Lawa dinmaa n barka diɛ min ganaa, wɔsɛn tán dɔ na a màn-kɔsiɛ bǐɛ̃ koe.

Loen 85:9

Dɛnaa Lawa bɛ́ màn mɛn diɛ, ma nə n too koe bɛ li. A nə n lɛ koe, mà là nyantoro na a din a zaman laanka a din lɛ-silin wɔ lɛa. Sɛnɛ, yǎa ǹ baran wusoo, ǹ tɔ wɔ ǹ baãnaabaa gɔ́ɔ̃-n wa.

Loen 86:12

Maa Dɛnaa Lawa, man giɛ li ma n guguru kɔ, ka ma foo din tumaa nɛ, ma n tɔ guguru kɔ yǎa duduu.

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Loen 91:16

Ma á re nyin sasa koe la a dɔ a yii li. Ma á re a kirisibiɛ a yɛ.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Luku 2:30

A giala, ma yii yɛ, n ná a giala kɔ n tá n minin nyin si ǹ dí lɛ nyɛɛ kəni.

Zaã a sɛ́wɔ 7:17

Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.

Nya ǹ dín 11:14

Bɛa Piɛrɛ lɛ á die siin laakalɛɛ n nɛ, siin mɛnɛn bɛ́ re die n din laanka n kion minin kirisibaa nɛ.»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 15:6

Màn mɛn bɛ́ toɛ, ka wɔa Dɛnaa Yezu Krita n Di Lawa lɛ guguru kɔ, ka gɔ́ɔ̃ goon ne, ka lɛn goon ne.

Rɔmu minin 15:9

Krita lɛ na á daa, màn mɛn bɛ́ toɛ, tɔrɔ kɔsɔn mɛnɛn bɛ́ ǹ ba Zuifun lɛa wa, bɛn dɔn nə Lawa tɔ bɔ, a bǐɛ̃baa a lɛa. A na á n kiɛ̃: «Bɛ lɛ taman yii ni ma á re n guguru koe tɔrɔ kɔsɔn bii, ma á re loe loe man tɔ bɔ nɛ.»

Galaasi minin 1:24

Ǹ nə́ goã Lawa tɔ gole koe masɛ a lɛa.

Galaasi minin 6:16

Min mɛnɛn bɛ́ koe bɛa sii kɛ lɛ, là nyantoro laanka Lawa a makara-doɛ̃ die ǹ dɔ bɛn li kun ka Lawa a zaman kaa kun kɛ din tumaa nɛ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Zaaki 3:13

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.

Piɛrɛ1 1:15

Sɛnɛ, kaa bíi wole lɛ bɛ́ *yoreen lɔn, ka dɔn nə toa ka goã min yoreenən lɛa miɛ̃ kaa sii tumaa zɛnaa gɔ́ɔ̃ nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.