Loen 50:15 - LAWA A BOO SONBORE

¹⁵ Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

LAWA A BOO SONBORE 2011

¹⁵ Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 50:15 ပူးပေါင်းရင်းမြစ်များ

Kiin2 20:2

Ezekiasi tɔ́n nə n yɔrɔ bɔyaa á dia kɛ gɔ̀nɔn la, á Dɛnaa Lawa nyankɔ, á pɛ:

KZS2 20:9

«Kɔntan, ǹ kɔn pinaa, koe á re boe wɔ-a, zia dɔlɔ lɛa, piɛ̃ busu lɛa, hinlaa bòo lɛa. Bɛ gɔ́ɔ̃ nɛ, wɔ á re die golee Lawa a kion kɛ yɔrɔ-a kəni, n din yɔrɔ-a, a giala mà n tá bɛa bǎã kɛ lɛ nɛ. Wɔ á re n bíi wɔa gu ganaa wɔa koe lɛ gɔ́ɔ̃ nɛ. N tá re n too koe wɔ lon kəni, n wɔ kirisibaa!»

Zɔbu 22:27

Bɛ̀ ń ná a nyankɔ, á re n lɛ sii. N dɔ lɛ kɔ la ka mànan mɛnɛn n tá re bɛn koe la.

Loen 107:19

Ǹ bɛ́ fuu lɛ gɔ́ɔ̃ nɛ, ǹ nə́ n lɛ dɛ Dɛnaa Lawa ganaa, Dɛnaa Lawa nə́ ǹ si ǹ nɔmaa kɛ la.

Loen 107:28

Ǹ bɛ́ fuu lɛ gɔ́ɔ̃ nɛ, ǹ nə́ n lɛ dɛ Dɛnaa Lawa ganaa, Dɛnaa Lawa nə́ ǹ si ǹ nɔmaa kɛ la.

Loen 120:1

Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

Loen 22:23

Ma á re n boo diɛ ma dɔɔ̃nɔn manɛ. Ma á re n tɔ boe zaman bii.

Loen 34:5

Má lɛ dia Dɛnaa Lawa la, á n nyəə ma la, á ma kirisibaa maa nyɛ́ɛ tumaa ganaa.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Loen 4:2

Ee Lawa, n din mɛn bɛ́ sii doɛ̃ ma la. Bɛ̀ ma á n bíi we, n ma lɛ si. Má goã fuu-n lɛlɛ, n din piɛ̃ kaa ma-a. Makara bɔ ma-a doo, n maa nyankɔ si.

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Loen 77:2

Man lɛ diɛ Lawa la, ma á n lɛ dii. Man lɛ diɛ la, máa a n too kɔ ma lon.

Loen 77:3

Bɛ̀ ma á nɔmaa gɔ́ɔ̃ nɛ, ma nə n yɔrɔ diɛ Dɛnaa la. Tèlò-n, ma nə n gɔnɔn diɛ a din la, ma a n susui wa, ma nə n piɛ̃ ka foo-wɔraa nɛ.

Loen 81:7

Má guĩ saa, má bɔ n kɔrɔ-n, n gɔnɔn nə́ kɛsɛ gugurun gisĩ.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Loen 86:7

Maa nɔmaa yɛ pinaa, man lɛ diɛ n la, ma n ma lɛ sii dɔn.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Zeremii 39:17

Sɛnɛ, bɛa biikoo lɛ li, ma á re n kanbiɛ, ma din Dɛnaa Lawa a da ǹ boo ne. N bɛ́ nyɛ́ɛ biɛ min mɛnɛn manɛ, ma a re n we ǹ gɔn wa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 22:44

Yiri lɔlɔkɔn baraa Yezu kũ, á wusoo á màn da a Lawa nyankɔ li. Á tɛ̀fuu pã, bɛ n kiɛ ka mà bɛ́ doɛ tán lɔn.]

Zaã a sɛ́wɔ 15:8

Bɛ̀ ka á sii gigiã zɛnɛɛ, ka n nyɛɛ mà ka n masɛ a kialandɛnan lɛa, bɛ lɛ n maa Díi tɔ guguru koe.

Nya ǹ dín 16:25

Làan biikoo li Pooli laanka Silaasi Lawa nyankɔ, bɛ̀ ǹ tá loe loe ǹ nə́ Lawa tɔ boe ne. Kòso nɛ gialakunun kɛn nə́ goã n too koe ǹ lon.

Zaaki 5:13

Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Piɛrɛ1 4:14

Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

Sii yɔrɔ-bɔlen 15:19

Gɛ̀fu mɛn lɛ á ke Leyii, Lawa tɔ́n bɛ lɛ yu kɔn, mu soo a nɛ. Sansɔn mi a yii dɔraa, a gù wusoo á kaa. Bɛ lɛ nɛ, ǹ nə́ bɛa bǎã lɛ bíi mà "Ɛn-Akooree". A tá Leyii, haalɛ tɔn pelo.