Loen 50:14 - LAWA A BOO SONBORE

¹⁴ Barka da Lawa nɛ ǹ wúlu màn lɛa, n nə n lɛ kɔ lon a Lawa la ka màn mɛn nɛ, bɛ zɛnaa.

LAWA A BOO SONBORE 2011

¹⁴ Barka da Lawa nɛ ǹ wúlu màn lɛa, n nə n lɛ kɔ lon a Lawa la ka màn mɛn nɛ, bɛ zɛnaa.

Loen 50:14 ပူးပေါင်းရင်းမြစ်များ

Zɔbu 22:27

Bɛ̀ ń ná a nyankɔ, á re n lɛ sii. N dɔ lɛ kɔ la ka mànan mɛnɛn n tá re bɛn koe la.

Loen 147:1

Aleluya, ka Dɛnaa Lawa tɔ bɔ! Wɔ wɔa Lawa tɔ bɔ ka loe ne, bɛ lɛ n siĩni. Wɔ a tɔ bɔ ǹ loe lɔ sɔnbɔraanɛ, bɛ lɛ n kɔɔ̃nɛ.

Loen 22:25

A giala a n piã, á yii koe-yɛle lɛ toa nɔmaa gɔ́ɔ̃-n wa, a n yɔrɔ bɔyaa á bɔ la wa. Á na á lɛ dia ma.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 27:6

Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

Loen 50:23

Min mɛn bɛ́ barka diɛ ma nɛ, bɛa dɛnaa n ma guguru koe. Min mɛn bɛ́ tɔ pepere we, ma á die nyɛɛ nɛ, máa masɛ Lawa na a kirisibaali lɛa.

Loen 56:12

Masɛ nə n foo doɛ Lawa ganaa, nyɛ́ɛ ba ma-a wa. Minbuiinin man die wàa zɛnɛɛ ma nɛ?

Loen 61:8

Lawa, toa a goã kii lɛa n yɔrɔ-a yǎa duduu, toa n din a kɔn-narɛɛ gole kɛ laanka n bǐɛ̃ duduu kɛ tamaa.

Loen 65:1

LOE-saalin goledɛnaa loe mɛn lɔ. Davida a loe n ke.

Loen 69:32

Bɛ din nə kɔɔ̃n Dɛnaa Lawa ganaa, á la dii ni, á la dii gɔ̀lɔ̀ gole ne.

Loen 76:11

Haalɛ minbuiinin foo-yoo baraa ke, bɛ n boe la, a n tɔ bɔ. Sɛnɛ, min mɛnɛn bɛ́ n sii bɛa foo-yoo kɛ la, n din nə bɛn mɔrɛ n ganaa.

Loen 76:12

Ka toa ka n lɛ kɔ kaa Dɛnaa Lawa la ka mànan nɛ, ka da bɛa mànan lɛn dɔn kɔ la. Ka mɛnɛn tumaa bɛ́ kun Lawa nɛ, ka da ka a gɔ ǹ mànan nɛ ká bɔ, ka ǹ kɔ nyɛ́ɛ da ǹ Lawa kɛ la.

Ozee 14:2

Izirayeli, wusoo n da Dɛnaa Lawa, n Lawa li, a giala, n sii baraa lɛ na á toa n mɛnaa.

Nahumu 2:1

Á ke, ma yii n dia dí-a wole ganaa, kele mìi-n die: A n die ka boo tii kɔɔ̃n nɛ, là nyantoro boo ne. Ka kaa zɔ́nɔn zɛnaa, Zudaa minin lɛn. Ka lɛ kɔ Dɛnaa Lawa la ka mànan mɛnɛn nɛ, ka bɛn zɛnaa. Min baraa kɛ a re doe kaa gána-n doo wa, a pàã mɛnaa.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Timəə dí-pɛn 23:21

Ka á boe la ka giɔ̀mɔ da tii ganaa ka ga là li. Sɛnɛ, bɛ̀ ka dinin dɔɔ̃n nɛ, ka nyan toa ka bɛ zɛnaa wa, màn mɛn bɛ́ toɛ, ka bɛ́ re we gána mɛn lɛ nɛ, ka si ka baa kaa wɔ lɛa, kaa Lawa, Dɛnaa Lawa boo la, a barka da kaa nya ǹ dí din tumaa ganaa walan.

Timəə dí-pɛn 23:22

Bɛ̀ ká n lɛ kɔ kaa Lawa, Dɛnaa Lawa la ka màn mɛn nɛ, ka nyan toa a belebɔ ka bɔlɔ-a wa. Bɛ bie wa, á re liɛ ka la. Bɛ̀ á liɛ dɔ baa, sii baraa n ka mìi ni.

Timəə dí-pɛn 23:23

Ta ka n ka n lɛ kɔ Dɛnaa Lawa la ka màn kɔn nɛ wa, a sii baraa lɛa ka mìi-n wa.

Timəə dí-pɛn 23:24

Sɛnɛ, màn mɛn bɔ ka lɛ-n, màn mɛn a kɔ bɛ́ á ka dinin dùũ baa, ka n yiri koa li ka bɛ zɛnaa, ka ka bɛ́ ká n lɛ kɔ kaa Lawa, Dɛnaa Lawa la lɔn.

Tesaloniki1 5:18

Ka barka da Lawa-n sii din tumaa a lɛa, a giala, Lawa n giɛ li mà ka bɛ lɛ zɛnaa, kaa tá kun Yezu Krita-n gɔ́ɔ̃ nɛ.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.