Loen 5:11 - LAWA A BOO SONBORE

¹¹ Lawa, ǹ zɛ̀rɛ lɛ a dɔlɔ bɔ ǹ ganaa! Ǹ sii mɛn yɔrɔ bɔ ǹ nə́ koa, toa bɛ kũ ǹ dinin mìi ni. Ǹ sii baraan lɛn tumaa taman yii, ǹ loo n nə ǹ bɔ n yɔrɔ-a. A giala, ǹ nə́ n piã n nɛ.

LAWA A BOO SONBORE 2011

¹¹ Lawa, ǹ zɛ̀rɛ lɛ a dɔlɔ bɔ ǹ ganaa! Ǹ sii mɛn yɔrɔ bɔ ǹ nə́ koa, toa bɛ kũ ǹ dinin mìi ni. Ǹ sii baraan lɛn tumaa taman yii, ǹ loo n nə ǹ bɔ n yɔrɔ-a. A giala, ǹ nə́ n piã n nɛ.

Loen 5:11 ပူးပေါင်းရင်းမြစ်များ

Zɔbu 38:7

A pinaa, baayɛlɛ a leeren tumaa na á n lɛ kaa kun, ǹ nə́ loe lɔ. Lon mànan tumaa nyɛnyɛɛ ǹ lɛ-dɛ wɔ.

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 35:27

Min mɛnɛn bɛ́ ǹ nə́ goã giɛ li sonbore yɛ ma lon, bɛn tá re foo kɔɔ̃nbaa ǹ lɛ dii, ǹ pɛ duduu: mà Lawa tɔ nə n saa lon, asɛ mɛn bɛ́ giɛ li a bɛ̀rɛgiĩ goã là nyantoro la.

Loen 40:16

Min mɛnɛn bɛ́ yaa we ma ganaa, sìi die a bɛn dɛ!

Loen 58:10

Ǹ nyan laan mà a n piɛ̃ a bún baa, Lawa a foo-busii á re ǹ goɛ, ka piɛ̃ gole bɛ́ lɔn, a kiɛ̃ ǹ nɛ.

Loen 65:13

Tɔɔn màn-bii n yii bǎã geren tumaa nɛ, foo kɔɔ̃nbaa ǹ loen lɛ n boe tentenen lɛnpɛnɛ.

Loen 68:3

Lawa, n din nə ǹ sasawɛɛ ka tɛmaa bɛ́ lɔn. Ka tɛ bɛ́ nyɔɔ yoe lɔn, Lawa lɛ-tiilin lɛn dɔn man bɔ̀n biɛ a yɔrɔ-a miɛ̃.

Loen 69:36

A giala, mà Lawa á re Zeruzalɛmu kirisibiɛ, A wusoo a Zudaa gána a kiwin dɔ. Bɛa kiwin lɛn tá re a din a minin lɛn wɔn biɛ, ǹ wusoo ǹ giã ǹ nɛ doo.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii yɔrɔ-bɔlen 5:31

Dɛnaa Lawa, toa ǹ zɔ́ɔn lɛn tumaa gã ka Sizeraa wɔ kɛ bɛ́ lɔn. Sɛnɛ, toa ǹ giaáran lɛn tumaa goã ka wasa bɛ́ lɔn ka zereen a bɔ tán waáraa. Bɛ lɛ n ke gána lɛ goã susui la lɛ̀ pusi gɔ́ɔ̃ nɛ.