Loen 46:8 - LAWA A BOO SONBORE

⁸ Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa.

LAWA A BOO SONBORE 2011

⁸ Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa

Loen 46:8 ပူးပေါင်းရင်းမြစ်များ

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 59:10

Lawa, masɛ n giɛ n din ganaa, n din nə ma pàã lɛa. Maa duru ǹ bǎã sonbore n ka n din ni.

Loen 66:5

Ka da ga Lawa a nya ǹ dí ganaa, a dí lɛ á kaãbaa diɛ minbuiinin ganaa parsiini.

Bɔ bɛ̀rɛbaa nɛ 10:7

Faarahɔn a kiodɛnan lɛn nə́ pɛ nɛ kɛnɛn: «Giĩ kɛ n die bɔ̀n diɛ wɔ ganaa yǎa biĩ doo? A toa giĩn kɛn nə wo dí nya ǹ Dɛnaa Lawa nɛ. N ba tɔn doɛ̃ mà Ezipti gána n bɔ̀n biɛ woe wa?»

Bɔ bɛ̀rɛbaa nɛ 12:30

Faarahɔn yoo bɛa tèlò kɛ lɛ nɛ, ka a kiodɛnan laanka Ezipti gána minin tumaa nɛ. Wuu gole bɔ Ezipti gána nɛ, a giala, kion goã, mà min ná a gã a-n wa.

Izayii 24:1

Á ke, Dɛnaa Lawa n basaã koe tán nɛ a n ziziɛ̃. Á tán lɔlɔkɔn, a na a zaman pɛsɛ̃ bǎã tumaa nɛ.

Izayii 61:4

Kungɔnɔn kɛn ǹ nə́ kaa lɛlɛ, ǹ tá re bɛn doe. Bǎãn mɛnɛn nə ziziɛ̃ haalɛ bibi, ǹ tá re wusii ǹ bɛn dɔ. Kiwin mɛnɛn nə yu lɛlɛ, ka bǎãn kɛn nɛ ǹ nə ziziɛ̃ haalɛ bibi, ǹ tá re wusii ǹ bɛn dɔ.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Minin nimi 23:23

Wɔ-kũli ba kun ka Zakɔba tɔrɔn lɛn nɛ wa. Boo baa ǹ dí ba Izirayeli minin lɛn li wa. Lawa bɛ́ sii mɛn zɛnɛɛ, bɛ nə n pii Zakɔba tɔrɔn lɛn nɛ, a nə n pii Izirayeli tɔrɔn lɛn nɛ, a kɔnpɛ a biikoo ne.

Timəə dí-pɛn 20:1

Bɛ̀ ká soo ká woo zia baa kaa zɔ́ɔn ganaa, bɛ̀ ká sùin laanka wotoron yɛ, ka zaman nɛ mɔnaa nɛ ǹ nə́ la ka nɛ, ka baran nyɛ́ɛ baa wa. A giala, kaa Lawa, Dɛnaa Lawa lɛ tá kun ka nɛ. A din lɛ na á ka waa á ka bɔ Ezipti gána nɛ.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.