Loen 46:10 - LAWA A BOO SONBORE

¹⁰ A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

LAWA A BOO SONBORE 2011

¹⁰ A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 46:10 ပူးပေါင်းရင်းမြစ်များ

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin2 19:12

Gánan lawan kɛn, ma digolon nə́ ǹ ziziɛ̃, bɛn nə́ boo ǹ gánan lɛn la ǹ nə́ ǹ si ǹ nə́ ǹ kaa? Goozan kiwi ni, Karan kiwi ni, Resɛfu kiwi ni ka Edɛn tɔrɔn kɛn nɛ giã-n Telasaara.

Kiin2 6:23

Izirayeli gána a kii lɛ zɔ́n màn-bii kɔ ǹ la sɔnbɔraanɛ, ǹ nə́ bii, ǹ nə́ màn dɔ mi. Bɛ kio, á n gɔn bɔ ǹ ganaa, ǹ nə́ kiɛ̃ ǹ nə́ woo ǹ kii li. Siirii minin lɛn nə wusoo, ǹ nə́ daa Izirayeli tán la doo wa.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 21:13

A giala, n bɛ́ re sa dii n koa ǹ ganaa, n tá re baa diɛ ǹ gòã li.

Loen 37:15

Sɛnɛ, ǹ gɔya sa lɛ á re ǹ dinin koron foɛ̃, ǹ sa dɔ á re yiɛ.

Loen 57:5

Man min baraan bii. Maǹ baraa ka yàra min-sɔ̃lin bɛ́ lɔn. Ǹ sɔn man pɛpɛnɛ ka sɛmiɛ̃n bɛ́ lɔn, pɛpɛnɛ ka kiɛn dɔn bɛ́ lɔn. Ǹ lɛwɔn dɔ n lɛ boe ka gɔya sa bɛ́ lɔn.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 5:16

Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.

Zeremii 49:35

Dɛnaa Lawa Pàãyiidɛnaa boo mɛn da, á ke: Elamu minin sãn kɛn, ǹ mɛnɛn lɛn bɛ́ ǹ pàã lɛa, man die bɛn yiyiɛ.

Ezekieli 30:8

Bɛ̀ má tɛ da Ezipti gána kɛ ganaa ǹ mɛn waáraa, bɛ̀ má a dɔmalɛ wolen kɛn tumaa dɛ, ǹ tá re doɛ̃ bɛa biikoo li, mà ma din nə Dɛnaa Lawa lɛa.

Ezekieli 38:23

Ma á re ma din a golebaa laanka ma din a Lawabaa kɛ nyɛɛ tɔrɔ kɔsɔn tumaa nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa.»

Ezekieli 39:3

Ma á re n dii, yǎa n nə n gɔsɛ a gɔn kɛ boe n sa kɛ ganaa n daɛ. Ma á re n kiɛn kɛn gɔsiɛ n gusin a gɔn ma ǹ kaa.

Misee 4:3

A din nə die sabara-dali biɛ tɔrɔ gigiã bii, pàã bɛ́ gánan mɛnɛn lon, ǹ wɔlɔ dɔ din nə sɔsɔɔ, a din nə die bɛn wɛɛ kɔn. Ǹ ziabaa ǹ gɔya san kɛn, ǹ tá re bɛn biɛ kána nànan lɛa. Ǹ sɛmiɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa ganaa doo wa.

Abakuku 2:20

Dɛnaa Lawa sɛ na a kion sonbore kɛ nɛ. Tán tumaa nə́ n lɛ tã a nyɛɛnɛ!

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Zozoe 11:6

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, biɛ̃ kɛnɛn yoroo, ma á re ǹ tumaa dii ma ǹ kɔ Izirayeli minin lɛn la. N die n nə ǹ sùin lɛn pere biɛn kukuru, n tɛ da ǹ ziabaa ǹ wotoron lɛn ganaa.»

Zozoe 11:9

Dɛnaa Lawa goã á màn mɛn pɛ Zozoe ne, Zozoe na á bɛ lɛ zɛnaa ǹ nɛ: Á ǹ sùin lɛn pere biɛn kukuru, á tɛ da ǹ ziabaa ǹ wotoron lɛn ganaa.

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.

Samayeli1 2:4

Pàãdɛnan sa yiɛ. Pàãwɛnaan nə́ pàã yɛ.