Loen 45:7 - LAWA A BOO SONBORE

⁷ N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

LAWA A BOO SONBORE 2011

⁷ N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 45:7 ပူးပေါင်းရင်းမြစ်များ

Kiin1 19:16

N die n nyɔɔ lɔ Nimisi a nɛgiĩ Zewu ganaa, n koa Izirayeli gána a kii lɛa. Saafaati mɛn bɛ́ boe Abeli-Mewolaa kiwi, n die n nyɔɔ lɔ bɛa nɛgiĩ Yiliizee dɔ ganaa, n koa Lawa a boo gii-dali lɛa n din dòo.

Loen 101:8

Baraabaraa, baayɛlɛ, ma á re barka boe min baraan kɛn nɛ, gána lɛ gɔ́ɔ̃ nɛ. Ma á re baraa-zɛnaalin kɛn soe, ma ǹ bɔ Dɛnaa Lawa a kiwi kɛ nɛ.

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 2:2

Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

Loen 21:6

N din a gɔ̀lɔ̀baa barka nɛ, á gugurubaa gole yɛ, n din nə ń siĩnbaa laanka golebaa kɔ la.

Loen 33:5

Sii mɛn bɛ́ pepere, a ná a zii la, bɛ́ n kɔɔ̃n a ganaa. Kanaa tumaa piɛ̃maa-n ka Dɛnaa Lawa a bǐɛ̃baa gole kɛ nɛ.

Loen 89:20

Ǹ kɔn pinaa, ń nə́ n din nyaa, ń boo da n lɛ-silin man kɛnɛn: Má n dɔ giĩ foo taãnaa kɔn lɛ, má tɔntɔraa goon mìi saa lon, maa zaman lɛ bii.

Loen 89:26

Ma á re pàã koe la yìsi mu la, ma á re koe la tàn dɔn la.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Lawa a wúlu-bɔlen 8:12

Á bɛa nyɔɔ lɛ kɔn kaa Aarɔn mìi ni, á bɔ á koa Lawa wɔ lɛa.

Matiə 3:15

Yezu tɔ́n pɛ nɛ: «A giala, wɔ doamaa nɛ wɔ Lawa foo sii zɛnaa miɛ̃.» ZAÃ nɔmaa á lɛ kɔ.

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Luku 13:27

A n die pii ǹ ni mà asɛ ba ǹ bɔ ǹ bǎã doɛ̃ wa. Mà ǹ nə n zɔ̃ ǹ nə n bɔ asɛ ganaa. Mà ǹ tumaa n sii baraa-zɛnaalin lɛa.

Luku 3:22

Yiri Fu gisĩ la, yii ná a ganaa ka zɛrɛkantoan bɛ́ lɔn. Ka bɛ dɔ nɛ, boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Zaã a sɛ́wɔ 1:16

A bǐɛ̃baa ǹ màn lɛ kɔ́n dɔ wɔ yii-a, a na á daa bǐɛ̃ da bǐɛ̃ li.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 2:28

Ma nə́ n yiikoonaabaa ǹ zii nyaa ma nɛ. N din a tá kun ma-n tá re ma foo kɔɔ̃n koe taãn-taãnɛ.»

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii:

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.

Samayeli1 16:13

Samayeli nyɔɔ lɛ saa màn bɛn lɛ nɛ á lɔ a ganaa ǹ golon lɛn yɔrɔ-a. Dɛnaa Lawa yiri gisĩ Davida la. A kũ bɛa pinaa kɛ lɛ ganaa, a na á goã Davida la miɛ̃. Bɛ kio, Samayeli zii saa á woo Ramaa.