Loen 45:5 - LAWA A BOO SONBORE

⁵ N sa dii, n kiɛ da la. Zia baa sonbore a lɛa, foo-basiɛ̃ a lɛa, peperebaa a lɛa. Wo ka pàã nɛ, n gɔ̀lɔ̀baa yɛ.

LAWA A BOO SONBORE 2011

⁵ N sa dii, n kiɛ da la. Zia baa sonbore a lɛa, foo-basiɛ̃ a lɛa, peperebaa a lɛa. Wo ka pàã nɛ, n gɔ̀lɔ̀baa yɛ.

Loen 45:5 ပူးပေါင်းရင်းမြစ်များ

Loen 21:12

Ǹ nə́ goã mà maǹ die sii baraa zɛnɛɛ n nɛ, ǹ nə́ taasiɛ baraa wɔ n wɔ paǹ li, sɛnɛ, a pàã ba re yii ǹ lon wa.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 38:2

Dɛnaa Lawa, n nyan dɔlɔ bɔ ma-a ka busii-n wa, n nyan ma doroo ka n foo-n wa.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Minin nimi 24:8

Lawa na á ǹ waa á soo ǹ ne Ezipti gána nɛ. Á pàã kɔ ǹ la, ka don a zũ bɛ́ lɔn. Tɔrɔn mɛnɛn bɛ́ ǹ ziadɛnan lɛa, maǹ bɛn lɔloɛ ǹ lɛ-a, Maǹ nə ǹ wen yɔyɔrɛ, ǹ kiɛ dɔdɔrɔ ǹ ganaa.

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Nya ǹ dín 4:4

Sɛnɛ, minin mɛnɛn nə n too kɔ boo laakalaa lɛ li, bɛn gigiã golee Lawa li. Lawa a zaman lɛ tumaa woo dɔ min duu sooro (5 000) kɛ miã.

Nya ǹ dín 5:14

Màn na á goã miɛ zaman gole kɛ li die golee Dɛnaa Yezu li, giĩ gigiã nɛ ka lɔ gigiã nɛ, bɛn man nə́ goã kiɛ Lawa a zaman lɛ li.

Nya ǹ dín 5:33

Kiri-wɔlen lɛn bɛ́ ǹ nə́ bɛa boon kɛn ma, ǹ foo yoo. Maǹ nə́ goã giɛ li ǹ dia dí-a wolen lɛn dɛ ǹ gã.

Nya ǹ dín 6:7

Bɛ kio, Lawa a boo lɛ a pɛ goã woe nyɛɛnɛ, màn na á goã miɛ kialandɛnan lɛn li taãn-taãn Zeruzalɛmu kiwi lɛ nɛ. Lawa a Kion wúlu-bɔle gigiã dɔ́ lɛ kɔ ǹ nə́ golee Lawa li.

Nya ǹ dín 7:54

Boon kɛn nə́ tɛ da kiri-wɔlen lɛn foo-a, yǎa ǹ nə́ n lɛ sɔsɔ̃ Itian li.