Loen 45:11 - LAWA A BOO SONBORE

¹¹ N too kɔ, maa nɛniɛ! Ga, n nə n too kɔ doɛ̃: N yiri bɔ n bɔ n minin kio, n yiri bɔ n bɔ n dikion kio.

LAWA A BOO SONBORE 2011

¹¹ N too kɔ, maa nɛniɛ! Ga, n nə n too kɔ doɛ̃: N yiri bɔ n bɔ n minin kio, n yiri bɔ n bɔ n dikion kio.

Loen 45:11 ပူးပေါင်းရင်းမြစ်များ

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Loen 95:6

Ka daa wɔ wɔ, wɔ kaa tán, wɔ a guguru kɔ, wɔ n musin koa tán Dɛnaa Lawa lɛ yɔrɔ-a. A din na á wɔ zɛnaa.

Loe kɔɔ̃n kɔɔ̃n 1:8

Nsɛ mɛn bɛ́, n siĩnbaa miã ná a banban lɔn bii wa, bɛ̀ n ba bǎã lɛ doɛ̃ wa, n die n soo, n kɔ tɔɔn lɛn basa lɛ, n nə n bòe nɛn kɛn lɛduə̃, tɔɔn-lɛduə̃lin giã ǹ bǎãn genli.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Loe kɔɔ̃n kɔɔ̃n 2:2

Da buũ bɛ́ siĩni, á la nyɛn nɛ lɔn, maa paa ǹ wɔ lɛ dɔ n siĩn miɛ̃, á la nɛniɛ gialakunun kɛn manɛ.

Loe kɔɔ̃n kɔɔ̃n 4:7

Maa paa ǹ wɔ, n siĩnbaa lɛ pã. Haalɛ wɔ̀lɔ̀ boɛɛnɛ, a ba n-a wa.

Loe kɔɔ̃n kɔɔ̃n 6:4

Maa paa ǹ wɔ, n tá siĩni ka Tirsaa kiwi ni, n tá kiɛ yii ni ka Zeruzalɛmu kiwi ni. Yii á boe n li á la yii ni.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Luku 24:52

Dia dí-a wolen lɛn nə́ kaa tán-a a giulun, bɛ kio, ǹ nə́ wusoo ǹ nə́ woo Zeruzalɛmu, ǹ foo n piɛ̃-n ka nyɛnyɛɛ nɛ.

Zaã a sɛ́wɔ 20:28

Toomaa tɔ́n pɛ nɛ: «Maa Dɛnaa! Maa Lawa!»

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Rɔmu minin 14:9

A giala, *Krita lɛ na á gã, a yii kaa, màn mɛn bɛ́ toɛ, a geren laanka yiikoonaan Dɛnaa baa.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.