Loen 44:3 - LAWA A BOO SONBORE

³ N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

LAWA A BOO SONBORE 2011

³ N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Loen 44:3 ပူးပေါင်းရင်းမြစ်များ

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

KZS2 20:7

N dinmaa n wɔa Lawa lɛa. N din nə́ n gána kɛa minin loo bɛ̀ n zaman Izirayeli á ke die, n bɛa gána lɛ kɔ n giaára Abrahamu a kion minin la duduu wɔ lɛa.

Loen 111:6

Dɛnaa Lawa ná a boo sii la ǹ pàã kɛ nyaa a din a minin kɛn manɛ. Á tɔrɔ kɔsɔn gána si, á kɔ ǹ la.

Loen 17:7

Min mɛnɛn bɛ́ kiɛ n yele, n din nə bɛn kirisibiɛ ǹ zɔ́ɔn ganaa. N kɔn-narɛɛ gole ke kaãbaa diɛ, bɛ nyaa.

Loen 20:6

Bɛa biikoo li, wɔ á re n lɛ dii wɔ n nyɛnyɛɛ n gɔ̀lɔ̀baa kɛa lɛa, wɔ á re zanzan diɛ lon ka wɔa Lawa tɔ nɛ. N bɛ́ giɛ màn mɛn tumaa li, Dɛnaa Lawa die a bɛ kɔ n la.

Loen 4:6

Ka wúlu mànan kɔ Dɛnaa Lawa la, ká a din pɛ lɔn. Ka n foo doa Dɛnaa Lawa ganaa.

Loen 42:11

Masɛ gù gã. Maa zɔ́ɔn kɛn man sɔ kiɛ ma la. Maǹ pii ma-n lɛawaa tumaa li, mà maa Lawa lɛ á maa?

Loen 42:5

Lɛlɛ, man má goã miɛ̃ zaman kɛ nyɛɛnɛ zɔ́n biikoo li. Man má goã woe koɛ yǎa Lawa a Kion. Maǹ nə́ goã foo kɔɔ̃nbaa ǹ loe loe, bɛ̀ ǹ Lawa tɔ bɔ. Bɛ̀ ma yiri gisĩ bɛ lɛ-n sisia, ma foo n ziziɛ̃.

Loen 74:11

Wàa na á baa, n tá n gɔnɔn kiɛ n kolo-n, n ba sii kɔn zɛnɛɛ wa?

Loen 77:15

N dinsɔɔ̃ n kaãbaa ǹ sii sonboren zɛnɛɛ, ń nə́ n boo sii la kɛ nyaa tɔrɔ kɔsɔn manɛ.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Loen 80:16

N din da giala mɛn wɔ tán ka n gɔn nɛ, bɛ tamaa, n din a zaman kɛ lɛ nɛ, n nɛgiĩ lɛa.

Loen 80:9

N din nə́ ń Izirayeli woɛ̃ Ezipti, ka da nɛ-kɔle bɛ́ lɔn, ń tɔrɔ kɔsɔn loo, ń wusoo ń zumu.

Bɔ bɛ̀rɛbaa nɛ 15:16

Nyɛ́ɛ laanka yɔrɔ-kɔsiɛ á re kirii ǹ la. Dɛnaa, n pàã gole kɛ a lɛa, ǹ gù á re goɛ̃ giɛ̃ nɛ, yǎa n din a zaman kɛ kiɛ̃, n zaman mɛn lɛ si n baa n din wɔ lɛa.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Minin nimi 14:8

Bɛ̀ Dɛnaa Lawa nə́ n gɔ́ɔ̃ kaa wɔ nɛ, á die woe ka wɔ nɛ bɛa gána kɛ lɛ nɛ, a kɔ wɔ la, bɛa gána kɛ lɛ, bɔ̀nyaa laanka zoo nyɔɔ n baa sii a nɛ.

Korɛnti2 4:7

Masɛ n goon ka gì tàan nɛ, gɔn màn sonbore kɛ n ma nɛ, màn mɛn bɛ́ toɛ ǹ dɔ̃, mà pàã gole mɛn tɔrɔ bɛ́ ma nɛ, mà Lawa din pàã nɛ, mà masɛ wɔ bie wa.

Timəə dí-pɛn 10:15

Sɛnɛ, a laan bɛ yii ni, Dɛnaa Lawa na á goã kun ka ka digolon lɛn nɛ, á ǹ narɛ. Ǹ tɔrɔn mɛnɛn bɛ́ ǹ kio, bɛ giala, ka dinin lɛn, a na á ka yii gɔgɔɔ̃, á ka bɔ tɔrɔ kɔsɔn bii, ka a bɛ́ ke lɔn pelo.

Zozoe 24:12

Má yirigisiĩn dia ka nyɛɛnɛ, bɛn nə́ kaa zɔ́ɔn lɛn loo ǹ nə́ ǹ bɔ ka nyɛɛnɛ, ka a bɛ́ á n zɛnaa Amɔɔrɔ kii min paa kɛ-n lɔn. Ka bie ka bɛ zɛnaa ka kaa gɔya san nɛ wa, ka bie ka zɛnaa ka kaa san nɛ wa.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.