Loen 44:2 - LAWA A BOO SONBORE

² Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

LAWA A BOO SONBORE 2011

² Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

Loen 44:2 ပူးပေါင်းရင်းမြစ်များ

Samayeli2 23:12

Sɛnɛ, Saamaa sɛ́ golee bɛa wuru lɛ bii á n doa a li, á Filisiti minin lɛn dɛ. Dɛnaa Lawa sii gole zɛnaa bɛa pinaa kɛ nɛ, á ǹ kirisibaa nɛ.

Samayeli2 7:10

Ma din ni má bǎã kɔ maa zaman Izirayeli minin lɛn la. Ma á re ǹ gòãn woe tán walan, màn mɛn bɛ́ toɛ ǹ giã a nɛ, sii kɔn ná a nyɛ́ɛ diɛ ǹ ganaa wa. Min baraan kɛn ba re wusii doo ǹ fuu nyaa ǹ nɛ ka lɛlɛ wɔ kɛ bɛ́ lɔn wa,

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Bɔ bɛ̀rɛbaa nɛ 10:2

Man má baa miɛ̃, máa n na a laakalaa n nɛnyaanan laanka n nɔ̀ɔnɔn manɛ, mà Lawa sàn kɔ ka Ezipti minin ni, a ná a sii nyaa ǹ siin zɛnaa ǹ bii. Ka tá re doɛ̃ mà ma din lɛ n Dɛnaa lɛ lɛa.»

Bɔ bɛ̀rɛbaa nɛ 15:17

N nə n die woe ǹ ne, n nə́ ǹ kaa kele kɛ la, kele mɛn lɛ bɛ́ n din wɔ lɛa. Dɛnaa, n din nə n bɛa bǎã kɛ lɛ zɛnaa, mà nsɛ n die giɛ̃ a nɛ, n nə n din guguru kɔ ǹ bǎã koa a nɛ.

Bɔ bɛ̀rɛbaa nɛ 15:19

Faarahɔn a sùin ni, a wotoron ne, ka a sùi lɛ-kũlin bɛ́ ǹ nə́ wɔ tà lɛ nɛ ǹ mɛn waáraa, Dɛnaa wusoo á daa ka mu ni á kɔ ǹ lɛ. Sɛnɛ, Izirayeli nɛnyaanan kɛn sɛn nə́ boo la ǹ nə́ tà lɛ kuru, mu ná a mɛ ǹ gòã ganaa wa.

Bɔ bɛ̀rɛbaa nɛ 23:28

Ma á re sìnbìrin diɛ ka nyɛɛnɛ, ǹ Ivii minin loo, ǹ nə ǹ bɔ ka nyɛɛnɛ, ka Kanaan minin laanka Ɛti minin ni.

Bɔ bɛ̀rɛbaa nɛ 34:11

«Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Minin nimi 13:32

Ǹ goã ǹ nə́ woo ga gána mɛn lɛ-a, ǹ nə́ tɔ́n bɔ ǹ nə́ mɛ bɛ piɛ̃-bɔ la, Izirayeli minin lɛn yɔrɔ-a ǹ nə́ pɛ: «Wɔsɛn nə gána mɛn lɛ kɔ kɔn wɔ́ ga a ganaa, a na a minin bii.

Timəə dí-pɛn 32:7

Ka n yiri kɔ ka lɛlɛ siin lɛn nɛ, ka n taasɛ ka lɛ̀n kɛn nɛ ǹ nə́ kiɛ̃. Ka nɔ̀n da kaa díin la, ǹ tá re a yɔrɔ pii ka nɛ, ka nɔ̀n da kaa min golen la, ǹ tá re pii ka nɛ.

Timəə dí-pɛn 4:38

A din nə die tɔrɔ kɔsɔn lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ, ǹ pàã dɔ ń gole, á la kaa wɔ nɛ. A n die ka kiɛ bɛn lɛn gána nɛ, a kɔ ka la kíɛ̃ lɛa, ka á ke lɔn pelo.

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 11:23

Dɛnaa Lawa goã á màn mɛn tumaa pɛ Muizu ni, Zozoe na á gána lɛ tumaa kũ á kɔnpɛ ka bɛ lɛ nɛ. Á gána lɛ tatala Izirayeli tɔrɔn lɛn lɛ yii li, á kɔ ǹ la kíɛ̃ lɛa. Bɛ kio, gána lɛ tɔ́n goã là nyantoro la zia ná a banban.

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

Zozoe 24:12

Má yirigisiĩn dia ka nyɛɛnɛ, bɛn nə́ kaa zɔ́ɔn lɛn loo ǹ nə́ ǹ bɔ ka nyɛɛnɛ, ka a bɛ́ á n zɛnaa Amɔɔrɔ kii min paa kɛ-n lɔn. Ka bie ka bɛ zɛnaa ka kaa gɔya san nɛ wa, ka bie ka zɛnaa ka kaa san nɛ wa.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Sii yɔrɔ-bɔlen 6:13

Zediɔ̃ tɔ́n pɛ nɛ: Maa dɛnaagiĩ, kaarɛ! Bɛ̀ Dɛnaa Lawa tá kun ka wɔsɛn nɛ, wàa na á baa sii kɛ tumaa tá wɔ yii? Wɔ din nə goã sii dadaran mɛnɛn tumaa laakalɛɛ wɔ nɛ, ǹ nə́ pii mà Dɛnaa Lawa na á ǹsɛn waa á ǹsɛn bɔ Ezipti gána nɛ, bɛa siin lɛn man maa kəni? Sɛnɛ, á ke pelo, Dɛnaa Lawa wɔ toa walan, á wɔ kɔ Madiã minin la.