Loen 44:11 - LAWA A BOO SONBORE

¹¹ N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

LAWA A BOO SONBORE 2011

¹¹ N din nə́ ń toa, wɔ́ baa si wɔa zɔ́ɔn kɛn nyɛɛnɛ. Min mɛnɛn bɛ́ wɔ biɛ zɔ́ɔ, bɛn nə́ wɔ gɔn màn yii goa.

Loen 44:11 ပူးပေါင်းရင်းမြစ်များ

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

Loen 106:27

Á n liɛ dɔn, mà asɛ n die ǹ nɛnyaanan sasawɛɛ bǎã tumaa-n, gánan gɔ́ɔ̃ nɛ, a toa ǹ gã tɔrɔ kɔsɔn bii.

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Loen 60:1

LOE-saalin goledɛnaa loe mɛn lɔ. Maǹ tùtu diɛ li. Davida a yiri gisĩ sii zizi ni ǹ loe goon ne. Minin daraa ǹ loe ne.

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 32:37

Ma foo goã á yoo a zaman li. Bɛ lɛ nɛ, maa foo-yoo gole lɛ gɔ́ɔ̃ nɛ, má ǹ loo paǹ tumaa li gána gigiã nɛ. Sɛnɛ, ma á re wusii ma da ǹ nɛ kànaa, ǹ wusoo ǹ goã yii-nyɛɛ la.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Rɔmu minin 8:36

A tá kiɛ̃ nɛ Lawa a boo ne kɛnɛn: «A din a lɛa, maǹ wɔ dii lɛawaa tumu gɔ́ɔ̃ nɛ. Maǹ giɛ wɔ ganaa tɔɔn lɛa, ǹ nə́ woe màn mɛnɛn bɔlɔ kuri.»

Timəə dí-pɛn 28:64

Dɛnaa Lawa á re ka pɛsɛ̃ tɔrɔ kɔsɔn bii kanaa paǹ tumaa nɛ. Ka á re lawa kɔsɔn guguru koe walan, ka dinin laanka ka digolon bɛ́ ka lawan mɛnɛn dɔ̃ wa: Maǹ gɔn laanka kɔlɔ lɛa.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.