Loen 43:4 - LAWA A BOO SONBORE

⁴ Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

LAWA A BOO SONBORE 2011

⁴ Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Loen 43:4 ပူးပေါင်းရင်းမြစ်များ

Samayeli2 6:5

Davida laanka Izirayeli minin lɛn tumaa na á goã bɛ̀ biɛ Dɛnaa Lawa yɔrɔ-a, bɛ̀ dɛ ǹ mànan tɔrɔ tumaa wuu li: gɔn sonbore wɔn nɛ, tùtu tɔrɔ tumaa laanka kɔnkoɛ̃nɛn nɛ, maàn nɛ, ka gɔn pere dɛ ǹ mànan nɛ.

Loen 26:6

Ma bɛ́ ma sii la wa, ma á re n gɔn pii ma nyaa. Dɛnaa Lawa, ma á re woe n din a *wúlu bɔ ǹ bǎã kɛ lɛnpɛnɛ,

Loen 33:2

Ka kɔnkoɛɛ̃n dɛ ka barka da Dɛnaa Lawa nɛ, ka tùtu nɛ fùdɛnaa dɛ ka a tɔ bɔ nɛ.

Loen 42:6

Wàa na á baa ma foo á ziziɛ̃, má n ginii we kɛnɛn? Yǎa man foo doɛ Lawa ganaa. Taãn nɛ, ma á re wusii ma a tɔ bɔ, Lawa mɛn bɛ́ ma kirisibaali lɛa.

Loen 57:8

Á ke, ma foo á doa nɛ, Lawa, ma foo á doa nɛ. Man die loe loe, ma n tɔ bɔ nɛ.

Loen 57:9

Haya ma foo, yoo. Ka dɔn nə yoo, tùtun laanka kɔnkoɛ̃nɛn lɛn, masɛ n die yui wasa nyɛɛnɛ.

Loen 63:2

Lawa, n din nə maa Lawa lɛa. Baayɛlɛ lɛlɛ gɔrɔ, man giɛ n li ka ma foo tumaa nɛ. N din lɛ sii n ma ganaa, ma laadoo nə n ganaa taãn-taãnɛ, ka tán gere, gɔ́ɔ̃ kooro-a laadoo bɛ́ mu ganaa lɔn.

Loen 81:2

Ka n lɛ dɛ, ka n nyɛnyɛɛ wɔ tamaali Lawa nɛ. Ka Zakɔba a Lawa para pɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.