Loen 42:2 - LAWA A BOO SONBORE

² Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.

LAWA A BOO SONBORE 2011

² Ee Lawa, mu boro bɛ́ yuùn kuĩ lɔn, n dɔ sii n masɛ kuĩ miɛ̃.

Loen 42:2 ပူးပေါင်းရင်းမြစ်များ

Zɔbu 23:3

E, ma bɛ́ re yii bǎã mɛn nɛ, toa bɛ̀ man bɛ doɛ̃, bɛ̀ man die woe doe a li a kiri wɔ ǹ bǎã kɛ nɛ.

Loen 27:4

Man má màn goon nyankɔ Dɛnaa Lawa lon, man giɛ bɛ lɛ li: ma goã Dɛnaa Lawa a kion kɛ nɛ maa yiitákoobaa tumaa gɔ́ɔ̃ nɛ, ma ga Dɛnaa Lawa a siĩnbaa ganaa, ma ga a din foo sii li a kion sonbore kɛ nɛ.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Loen 63:1

Davida a loe, bɛ̀ a bɛ́ don sabii Zudaa gána nɛ.

Loen 63:3

Sonbore, má ga n ganaa n kion sonbore kɛ nɛ, má n boo sii la laanka n gugurubaa yɛ.

Loen 84:10

Lawa, n yiri koa kii kɛ li, wɔ tamaali lɛa, n din nə ń bɔ ń koa, ga a walan.

Loen 84:2

Dɛnaa Lawa Pàãyiidɛnaa, n kion lɛ a sii á kɔɔ̃n ma-a, á la yii ni.

Loen 84:4

Dɛnaa Lawa Pàãyiidɛnaa, maa kii laanka maa Lawa, haalɛ bùn tiɛɛ̃n din tá kion yii, leere bàan dɔ tá kii doe, n wulu bɔ ǹ bǎã kɛ gienli, a na a gìi da a nɛ.

Loen 84:7

Ta bɛn man kiɛ̃ tán gere bǎã kɛ nɛ, a nə n bɔyɛɛ a mu bǎã nyantoto baa. La bibinaan kɛn man kiɛ la, ǹ barka wɔ a nɛ.

Bɔ bɛ̀rɛbaa nɛ 23:17

Gunyin sɔɔ, lɛ̀ gɔ́ɔ̃ nɛ, kaa giĩn tumaa doamaa nɛ, ka da masɛ Dɛnaa Lawa lɛ yɔrɔ-a.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zaã a sɛ́wɔ 5:26

A giala, Díi bɛ́ boe la a yiikoonaabaa kɔ min la lɔn, a ná a kɔ min la ǹ pàã kɔ Nɛgiĩ dɔ la miɛ̃.

Zaã a sɛ́wɔ 7:37

Zɔ́n lɛ a nya pinaa, a din pinaa lɛ dɔ n zɔ́n lɛ a kɔɔ̃nbaa pinaa lɛa, Yezu yoo á golee lon á pɛ ka lɛn gole-n kɛnɛn: «Bɛ̀ mu boro tá min mɛn ganaa, ǹ dɛnaa da masɛ li a mu mi.

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Sii-nyaan 22:1

Lon a dia dí-a wole lɛ tɔn yiikoonaabaa ǹ tà mu lɛ nyaa ma nɛ, tɛ pii ka gɛ̀fu mɛn bɛ́ yii n wɔlɔ yii a nɛ. Bɛa mu lɛ na á goã soe Lawa laanka Sère Nɛ a kii dankan paǹ li.