Loen 40:6 - LAWA A BOO SONBORE

⁶ Dɛnaa Lawa, maa Lawa, n siin mɛnɛn yɔrɔ bɔ wɔa lɛa, ń kaãbaa ǹ siin zɛnaa, ǹ tá dadara. N miã din banban. Man li ma bɛ lɛ pɛ, ma timəə la, sɛnɛ, ǹ bɛ́ ǹ nə́ mɔnaa ǹ nə́ la yii ni.

LAWA A BOO SONBORE 2011

⁶ Dɛnaa Lawa, maa Lawa, n siin mɛnɛn yɔrɔ bɔ wɔa lɛa, ń kaãbaa ǹ siin zɛnaa, ǹ tá dadara. N miã din banban. Man li ma bɛ lɛ pɛ, ma timəə la, sɛnɛ, ǹ bɛ́ ǹ nə́ mɔnaa ǹ nə́ la yii ni.

Loen 40:6 ပူးပေါင်းရင်းမြစ်များ

Zɔbu 33:16

Bɛa biikoo li, siin mɛnɛn bɛ́ nyɛ́ɛ diɛ, a n bɛn nyɛɛ minin manɛ, a doree kɔ ǹ la.

Zɔbu 5:9

A din lɛ n sii dadaran zɛnɛɛ, min ba ǹ giala miɛ wa. A n kaãbaa ǹ siin zɛnɛɛ lɛ ba la wa.

Loen 139:17

E Lawa! N bɛ́ siin mɛnɛn taasɛ, ǹ doɛ̃ á kaka ma ganaa. Ǹ nə́ mɔnaa ǹ nə́ la yii ni.

Loen 139:18

Má goã máa ma nə ǹ nimii, sɛnɛ, ǹ nə́ mɔnaa ǹ nə́ la nyɔɔsɔ̃ nɛ. Haalɛ ta má ǹ nimi má nya, ma ba re n sii giala miɛ ma nya wa.

Loen 50:8

N wúlu mànan kɛn lɛa bie ma tá n zɛ̀rɛ biɛ wa. N tá wúlu mànan tiɛ̃ ma yɔrɔ-a baraabaraa.

Loen 51:16

Ma sii mɛn la, a dɔlɔ n ka gɛ̀ nɛ. Maa Lawa, ma kirisibaali Lawa, n din ma si mà kaa la, ń giɛ ma tá n lɛ dii ka n peperebaa kɛ nɛ.

Loen 71:15

Baraabaraa, n peperebaa boo kɛ n ma lɛ-a, ma nə n minin kirisibaa kɛ boo diɛ. Ma ba n bǐɛ̃-zɛnaa kɛ din lɛ doɛ̃, ma pɛ wa.

Bɔ bɛ̀rɛbaa nɛ 21:6

a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.

Izayii 1:11

Dɛnaa Lawa n pii: Kaa *wúlu màn damata kɛ là n ka wàa nɛ ma ganaa? Ka bɛ́ sère kuturun mɛnɛn tiɛ̃ lenlen maa wɔ lɛa, tɔɔ kasiɛ̃ wolen nyɔɔ ke ka á koe wúlu màn lɛa, bɛn tumaa tìĩ bɔ ma yin ni kanna. Dii gɔ̀lɔ̀n mà ke, sère nɛ tenən wɔ nɛ, ka butumun wɔ nɛ, ma ba ǹ li doo wa.

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Ozee 6:6

Sii zɛnaa ka kɔn-narɛɛ nɛ, bɛ á kɔɔ̃n ma ganaa á la wúlu mànan kɛn manɛ. Ma dɔ̃ Lawa lɛa, bɛ á kɔɔ̃n ma ganaa á la *wúlu màn tiɛ̃n kɛn manɛ.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Matiə 12:7

Lawa a boo na á pɛ: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa. Bɛ̀ ka n bɛ giala miɛ, bɛ̀ ka a dɔlɔ diɛ minin mìi ni, a da yaa ǹ nə́ ǹ sii baraa zɛnaa wa.

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.