Loen 37:4 - LAWA A BOO SONBORE

⁴ Toa Dɛnaa Lawa goã n foo dùũ sii lɛa, n bɛ́ giɛ màn mɛn li, á re bɛ koe n la.

LAWA A BOO SONBORE 2011

⁴ Toa Dɛnaa Lawa goã n foo dùũ sii lɛa, n bɛ́ giɛ màn mɛn li, á re bɛ koe n la.

Loen 37:4 ပူးပေါင်းရင်းမြစ်များ

Zɔbu 22:26

Bɛa biikoo li, n tá re n nyɛnyɛɛ Pàãyiidɛnaa lɛ a sii ganaa, n tá re n yɔrɔ diɛ Lawa la, n foo n doa nɛ a ganaa.

Zɔbu 27:10

Pàãyiidɛnaa a sii tá re min baraa a foo kɔɔ̃nbaa biɛ? Á re Lawa nyankoe biikoo tumaa li?

Zɔbu 34:9

A giala a na á pɛ, mà là goon ba a ganaa min kɔɔ̃n kɔ Lawa ganaa wa.

Loen 104:34

Dɛnaa Lawa, maa loe kɛ die a kɔɔ̃n kɔ n ganaa! A giala n din nə ma foo kɔɔ̃n koe.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 43:4

Bɛa biikoo li, ma á re doe n *wúlu bɔ ǹ bǎã kɛ nɛ. A giala, n din nə Lawa lɛa, ma foo kɔɔ̃n koe. Lawa, man die loe loe, ma tùtu da li, ma n tɔ bɔ nɛ, maa Lawa!

Suusun 10:24

Sii baraa-zɛnaali bɛ́ nyɛ́ɛ biɛ sii mɛn nɛ, bɛ lɛ n die yii. Sɛnɛ, sii sonbore-zɛnaali bɛ́ zoɛ̃ màn mɛn li, Dɛnaa Lawa n bɛ koe la.

Loe kɔɔ̃n kɔɔ̃n 2:3

Ka da bɛ́ lɔn, a nɛ n kɔɔ̃nɛ á la ǹ miãn wɔ nɛ, ma din foo dùũ wɔ lɛ dɔ n soɛ tɔntɔraa gialakunun kɛn man miɛ̃. A wúlu a giã á kɔɔ̃n ma ganaa, a nɛ kɔɔ̃n kɛ dɔ á kɔɔ̃n ma lɛ-n.

Izayii 58:14

ka bɛ-n kəni, n tá re yii-nyɛɛ yii Dɛnaa Lawa barka nɛ. Ma á re toɛ n dii gána lɛ a kelen mìi ni. Ma á re toɛ n là yɛ n digolo Zakɔba a tán kɛ ganaa má kɔ la. Hiĩ, Dɛnaa Lawa na á pɛ miɛ̃.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:7

Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,