Loen 37:25 - LAWA A BOO SONBORE

²⁵ Má goã boɛɛn nɛ, má daa má zizi kɔ, ma bin yɛ duduu, mà Lawa min sonbore daa wa, ma bin na a nɛnyaanan yɛ màn-bii nyankoe wa.

LAWA A BOO SONBORE 2011

²⁵ Má goã boɛɛn nɛ, má daa má zizi kɔ, ma bin yɛ duduu, mà Lawa min sonbore daa wa, ma bin na a nɛnyaanan yɛ màn-bii nyankoe wa.

Loen 37:25 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Zɔbu 15:23

Ǹ dɔn dinin tá doɛ̃ mà bɔ̀n nə ǹsɛn duĩ. Ǹ dinin lɛn man die n giala nyɔmiɛ̃ zèwon giulun.

Zɔbu 4:7

N yiri loo n kũ. N bin ma, mà sii pepere-zɛnaali bɔ̀n baa?

Loen 109:10

Toa a nɛnyaanan nə biə́ wolen baa, ǹ nyankɔlen baa, sɔɔsɔɔ ǹ kɛbɔlɔ ganaa.

Loen 112:2

Pàã n die goɛ̃ a nɛnyaanan lon tán kɛ la, barka n die yii min pepere tɔrɔn lon.

Loen 25:13

Á die n susui yii-nyɛɛ gɔ́ɔ̃ nɛ, gána lɛ á re a tɔrɔn wɔ biɛ.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 59:15

Wasamiɛ̃-n lɛn li, maǹ die ka ginin bɛ́ lɔn. Maǹ nə n lɛ dii, ǹ nə́ kiwi lɛ lɛnpɛnɛ.

Loen 71:18

Lawa! A laanɛ má zizi kɔ kanna, ma mìi ka fulu, n baran n gɔn bɔ ma ganaa wa. N dɔ ma lɛ, ń giɛ ma tá n din a boo sii la laakalɛɛ sisia minin kɛn manɛ, ma n din a Pàãyiidɛnaabaa kɛ pɛ ǹ kiodɛnan tumaa nɛ.

Loen 71:9

Kanna má zizi kɔ, n baran ma daa wa. Ma pàã bɛ́ nyɛɛ, n baran n gɔn bɔ ma ganaa wa.

Loen 94:14

Sonbore, Dɛnaa Lawa ba n gɔn boe a zaman kɛ ganaa wa. A ba a din wɔn kɛn toɛ walan wa.

Suusun 13:22

Min mɛn bɛ́ sii bǐɛ̃ zɛnɛɛ, a n kíɛ̃ koɛ a nɔ̀ɔnɔn manɛ. Sɛnɛ, sii baraa-zɛnaali a naforo n sii sonbore-zɛnaalin wɔ lɛa.

Izayii 13:16

Ǹ tá re ǹ nɛnyaan tiɛɛ̃nɛn tɔtɔrɛ ǹ dinin yii ni, ǹ nə ǹ kion gɔ̀ɔ̃ mànan kokoo, ǹ giã kun ǹ lɔn nɛ ka pàã nɛ.

Nya ǹ dín 21:16

Sezaaree kiwi a Lawa-nyankɔlen kɔnɔn dɔn man zii tɔ we kun wɔ nɛ, bɛn nə́ woo wɔ nɛ Siiprin giĩ goon a piɛ, a tɔ n Naasɔn, *Krita a kialandɛnaa bibinaan lɛn goon ne.

Korɛnti2 4:9

maǹ boe ma yii ni, sɛnɛ, Lawa ba n boe ma li wa; maǹ ma zuĩ tán, sɛnɛ, ma a ziziɛ̃ wa.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.