Loen 36:7 - LAWA A BOO SONBORE

⁷ N peperebaa lɛ n yii ka kele dadaran bɛ́ lɔn. N kiri kurii lɛ n zuzulu ka nyankɔrɔ gole bɛ́ lɔn. Dɛnaa Lawa, n din nə minbuiinin laanka tɔɔn tamaɛ.

LAWA A BOO SONBORE 2011

⁷ N peperebaa lɛ n yii ka kele dadaran bɛ́ lɔn. N kiri kurii lɛ n zuzulu ka nyankɔrɔ gole bɛ́ lɔn. Dɛnaa Lawa, n din nə minbuiinin laanka tɔɔn tamaɛ.

Loen 36:7 ပူးပေါင်းရင်းမြစ်များ

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Loen 139:17

E Lawa! N bɛ́ siin mɛnɛn taasɛ, ǹ doɛ̃ á kaka ma ganaa. Ǹ nə́ mɔnaa ǹ nə́ la yii ni.

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Loen 57:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 63:7

Bɛ̀ ma á waa-n tán maa piì la, yǎa ma yiri gisĩ n ni, ma nə n taasɛ ka n din ni tèlò lɛ tumaa gɔ́ɔ̃ nɛ.

Loen 71:19

Lawa! N peperebaa lɛ á gole, á la yii ni, ń dí dadaran dɔn nya. Lawa! N miã banban.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Bɔ bɛ̀rɛbaa nɛ 34:6

Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Piɛrɛ2 1:4

A din lɛ barka nɛ, wɔ́ naforo laanka bǐɛ̃baa sonboren yɛ, a n lɛ kɔ wɔ la ka ǹ mɛnɛn lɛn nɛ, mà asɛ á re wɔ sii kanaa gɔ́ɔ̃ nɛ ǹ dùũ sii babaraan kɛn laanka bɔnɛɛbaa kɛ la, á wɔ bɔyaa wɔ sɔ̀n nə́ n baa ka a din wɔ bɛ́ lɔn.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»