Loen 36:4 - LAWA A BOO SONBORE

⁴ Soɛ dinsɔɔ̃ laanka minin yiri sã ǹ boo na a lɛ-n. A din yii li, sii sonbore zɛnaa din là banban doo wa.

LAWA A BOO SONBORE 2011

⁴ Soɛ dinsɔɔ̃ laanka minin yiri sã ǹ boo na a lɛ-n. A din yii li, sii sonbore zɛnaa din là banban doo wa.

Loen 36:4 ပူးပေါင်းရင်းမြစ်များ

Zɔbu 15:16

sanparɛ, ka minbuiin nɛ bɔnɛɛ babaraa kɛ nɛ, sii baraa zɛnaa n woe la ka mi ǹ mu ni.

Loen 38:12

Maa giaáran laanka maa koakun wolen ne, bɛn ba n mɔrɛ maa busulɛn kɛn-a wa, ma din a minin kɛn, bɛn man giɛ̃ tìãlɛa.

Loen 52:3

Hee, min kaka, wàa na á baa, n tá n din kalɛɛ sii baraa zɛnaa a lɛa? Lawa a kɔn-narɛɛ gole ke, lɛawaa tumaa wɔ nɛ.

Loen 97:10

Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

Suusun 24:2

Ǹ taasiɛ n doa nɛ basaã ganaa. Ǹ bɛ́ re sii baraa mɛn zɛnɛɛ, ǹ lɛ n bɛ dinsɔɔ̃ boo diɛ.

Suusun 24:23

Sii-dɔ̃lin nə boo mɛn da doo, bɛ á ke: Bɛ̀ ń tá kiri we, a siĩni n bɔnbii-a wɔ minin bii wa.

Suusun 4:16

Bɛa minin kɛn lɛn ba nyuù we bɛ̀ ǹ nə́ ǹ sii baraa zɛnaa wa. Ǹ ba nyuù naɛ̃ ǹ yii-a bɛ̀ ǹ sii baraa zɛnaa min ni wa.

Izayii 65:2

Duduu, má n gɔn dia tɔrɔ bɔlɔgoonbaã wole la. Sɛnɛ maǹ koe zii bɔnɛɛ lɛ ǹ nə́ ǹ dinin foo siin zɛnɛɛ.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Zeremii 8:6

Má n too kɔ ǹ lon taãn-taãnɛ. Ǹ bɛ́ boo mɛn diɛ mìi ba la wa. Ǹ kɔn ba wusii a sii bɔnɛɛn kio wa. Ǹ kɔn ba nɔ̀n diɛ a din la ka a zɛnaa ǹ sii-n wa. Ǹ tumaa n baa sii ka sùin bɛ́ lɔn ziabaa ǹ bǎã nɛ.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Misee 2:1

Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Matiə 27:1

Baayɛlɛ yiisoon ne, Lawa a wúlu-bɔlen goledɛnan tumaa nə́ n lɛ kaa kun ka Zuifun goledɛnan kɔsɔn nɛ, mà maǹ die Yezu dii a gã.

Nya ǹ dín 23:12

Lɛ̀ bɛ́ á waa, Zuifun nə́ n lɛ kaa kun basaã a lɛa. Ǹ nə́ n liɛ, mà ǹsɛn ba màn kɔ́n we ǹ lɛ-n wa, ǹsɛn ba mu mii wa, yǎa ǹsɛn nə doe Pooli ganaa ǹ dii a giɛ̃.

Rɔmu minin 1:32

A laanɛ ǹ tá doɛ̃ ke mà Lawa pɛ mà bɛa siin kɛn lɛn zɛnaalin doamaa-n ka gɛ̀ nɛ, ǹ ba goɛ̃ bɛa siin kɛn lɛn zɛnaa dinsɔɔ̃ li wa, sɛnɛ, a zɛnaali kɔsɔn dɔn man kɔɔ̃nɛ ǹ ganaa.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Sii-nyaan 2:2

N sii mɛn tumaa zɛnaa, má dɔ̃, n nə n doa ka yɔrɔ mɛn nɛ, má dɔ̃, n nə n foo kũ ka yɔrɔ mɛn nɛ, má bɛ dɔ dɔ̃. Ma á doɛ̃ máa n ba min baraan sii sii n ganaa doɛ̃ wa. Min mɛnɛn bɛ́ n dinin biɛ maa dia dí-a wolen lɛa, n nə́ n da ǹ gɔ́ɔ̃ li, n dɔ̃ mà soɛ-bɔlen manɛ.

Samayeli1 19:11

Sayulu minin dia Davida a piɛ, mà ǹ wo Davida lɛduə̃, ǹ dɛ a lɛawaa baayɛlɛ. Davida a lɔ Mikaali boo lɛ pɛ nɛ: «Tèlò kɛ lɛ nɛ, bɛ̀ n baa si wa, biɛ̃, ǹ tá re n dii n gã.»