Loen 35:9 - LAWA A BOO SONBORE

⁹ Bɛ̀ ń zɛnaa miɛ̃, ma foo á re kɔɔ̃n koe ka n sii ni, Dɛnaa Lawa. Ma á re n nyɛnyɛɛ, a giala n din nə ń ma kirisibaa.

LAWA A BOO SONBORE 2011

⁹ Bɛ̀ ń zɛnaa miɛ̃, ma foo á re kɔɔ̃n koe ka n sii ni, Dɛnaa Lawa. Ma á re n nyɛnyɛɛ, a giala n din nə ń ma kirisibaa.

Loen 35:9 ပူးပေါင်းရင်းမြစ်များ

Loen 104:34

Dɛnaa Lawa, maa loe kɛ die a kɔɔ̃n kɔ n ganaa! A giala n din nə ma foo kɔɔ̃n koe.

Loen 13:5

Bɛ bie wa, maa zɔ́ɔn kɛn man die pii, mà ǹsɛn nə́ boo ma la. Maa zɔ́ɔn kɛn man die n nyɛnyɛɛ maa mɛnaa kɛa lɛa.

Loen 21:1

LOE-saalin goledɛnaa loe mɛn lɔ. Davida a loe.

Loen 33:21

Wɔa foo kɔɔ̃nbaa n boe a din li, wɔ foo n doa nɛ a din tɔ sonbore sonbore kɛ ganaa.

Loen 48:11

Ee Lawa, maǹ nə n tɔ boe kanaa paǹ yii ni, maǹ nə n guguru koe kanaa paǹ yii ni. N zɛnaa ǹ sii tumaa n pepere.

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Loen 9:15

màn mɛn bɛ́ toɛ, ma n tɔ bɔ n zɛnaa ǹ siin kɛn tumaa a lɛa, Zeruzalɛmu minin kɛn kɔn paã ǹ bǎã nɛ. N kirisibaa mɛn kɔ ma la, ma á re n nyɛnyɛɛ bɛa lɛa.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Abakuku 3:18

Sɛnɛ, masɛ n maa foo kɔɔ̃nbaa yii Dɛnaa Lawa li. Lawa mɛn bɛ́ ma kirisibiɛ, ma nə n nyɛnyɛɛ a din taman yii.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.