Loen 35:5 - LAWA A BOO SONBORE

⁵ Dɛnaa Lawa, bɛ̀ n lon a dia dí-a wole kɛ tá baa diɛ ǹ gòã li, ǹ baa ka kaã bɛ́ lɔn kiɛ̃ piɛ̃ li.

LAWA A BOO SONBORE 2011

⁵ Dɛnaa Lawa, bɛ̀ n lon a dia dí-a wole kɛ tá baa diɛ ǹ gòã li, ǹ baa ka kaã bɛ́ lɔn kiɛ̃ piɛ̃ li.

Loen 35:5 ပူးပေါင်းရင်းမြစ်များ

Zɔbu 21:18

Ǹ tá ka làpaa bɛ́ lɔn piɛ̃ n siɛ? Ǹ tá ka kaã bɛ́ lɔn kurunkurun nə́ goɛ sonbore?

Loen 1:4

Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

Loen 90:9

Taãn nɛ, n din a foo-yoo lɛ na á toa wɔa lɛawaan tá nyɛɛ. Wɔa lɛ̀n man nyɛɛ ka lɛ gɔ́ɔ̃ ǹ piɛ̃ bɛ́ lɔn.

Bɔ bɛ̀rɛbaa nɛ 14:19

Dɛnaa a lon a dia dí-a wole mɛn goã tɔ we Izirayeli nɛnyaanan lɛn nyɛɛnɛ, bɛ́ kiɛ̃ á giã ǹ kio ganaa. Tɛmaa bara lɛ dɔ yoo ǹ nyɛɛnɛ, á daa ǹ kio.

Izayii 17:13

Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Izayii 29:5

N zɔ́ɔ damatan kɛn tá re n biɛ ka gusuũ bɛ́ lɔn. Zaman mɛn bɛ n yɔyɔrɛ, bɛn tá re n biɛ ka làpaa bɛ́ lɔn, piɛ̃ n goɛ. Sɛnɛ, bǎã goon ne,

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Busii pɛ 3:66

Ǹ kio loo ka foo-yoo gole ne, n nə ǹ loo n nə ǹ bɔ tán la.

Ozee 13:3

Bɛ lɛ nɛ, minin kɛn tá re papaɛ̃ ka baayɛlɛ labara bɛ́ lɔn, ka pele bɛ́ kiɛ lɔn, ka wii duwəə ǹ bǎã a kaã bɛ́ woe piɛ̃ li lɔn, ka tɛmaa bɛ soe sìã-n lɔn.

Nya ǹ dín 12:23

Sɛnɛ, a din bǎã-n gɔrɔ, Dɛnaa a lon a dia dí-a wole Erɔdi dɛ á duwəə tán, nyuunun nə́ kaa-n gɔrɔ ǹ nə́ soɛ̃. Erɔdi gã bɛa gòã lɛ ganaa, a giala a gugurubaa kɔ Lawa la wa.

Ebrəə 11:28

Golee Lawa li na á toa, á *kiɛ̃mala ǹ zɔ́n kɛ a zɛnaa giala kɔ. Á pɛ mà ǹ mà pɛpɛsɛ̃ kiɛnlɛn ganaa, màn mɛn bɛ́ toɛ, Lawa a bɔ̀n-dali kɛ baran n gɔn da Izirayeli minin nɛgiĩ bibinaa kɔ́n ganaa wa.