Loen 34:12 - LAWA A BOO SONBORE

¹² Ka da n too kɔ, maa nɛnyaanan lɛn, man die ka darɛɛ Dɛnaa Lawa guguru-kɔ ganaa.

LAWA A BOO SONBORE 2011

¹² Ka da n too kɔ, maa nɛnyaanan lɛn, man die ka darɛɛ Dɛnaa Lawa guguru-kɔ ganaa.

Loen 34:12 ပူးပေါင်းရင်းမြစ်များ

Siin Giala 49:2

Zakɔba a nɛnyaanan lɛn, ka n lɛ sɔkɔn ka n too kɔ, ka n too kɔ ka di Izirayeli lon.

Zɔbu 33:33

Bɛ̀ boo dɔ ba n lɛ-n n tá diɛ wa, n too kɔ masɛ lon. Golee kiĩni, man die n darɛɛ sii-doɛ̃ ganaa.

Zɔbu 7:7

Dɛnaa, n yiri koa li n dɔ̃ mà maa yiikoonaabaa lɛ n ka piɛ̃ kooro bɛ́ lɔn. Masɛ bie re yii-nyɛɛ yii doo wa.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 4:6

Ka wúlu mànan kɔ Dɛnaa Lawa la, ká a din pɛ lɔn. Ka n foo doa Dɛnaa Lawa ganaa.

Loen 91:16

Ma á re nyin sasa koe la a dɔ a yii li. Ma á re a kirisibiɛ a yɛ.

Suusun 4:20

Maa nɛ, n too kɔ maa boon li. N yiri kɔ maa doroon li.

Suusun 7:24

Kanna kəni, maa nɛ, ma bɛ́ boon mɛnɛn pii n ni, n too kɔ ma lon,

Suusun 9:10

Nyɛ́ɛbaa Dɛnaa Lawa yii ni n sii doɛ̃ a giala kɔ lɛa. Lawa sonbore kɛ doɛ̃-n yiridɛnaabaa lɛa.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Boo-laakalaali 2:3

Má bɔ ma foo ne, máa man die n din koe duvɛ̃ la. A ma yii toa kɔɔ̃nɛ, má n sii doɛ̃, máa man die n gɔn parɛɛ gàãnaabaa ganaa, yǎa ma doɛ̃, sii mɛn bɛ́ siĩni, minbuiin nɛn nə zɛnaa ǹ yiikoonaabaa biikoo li, kanaa kɛ nɛ.

Boo-laakalaali 3:13

A giala, bɛ̀ min woo min tá màn bii, á n màn mii, a bɛ́ màn mɛn boe a dí ni, a nə́ n nyɛnyɛɛ bɛ la, Lawa a bǐɛ̃ n ka bɛ nɛ.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timəə dí-pɛn 6:2

Màn mɛn bɛ́ toɛ dɔn, ka nyɛ́ɛ baa, kaa Lawa, Dɛnaa Lawa yii ni, ka dinin ni, kaa nɛnyaanan nɛ, ka kaa nɔ̀ɔnɔn nɛ. Ma bɛ́ maa landa boon laanka maa gɔn waa ǹ boon mɛnɛn tumaa koe ka la, kaa yiikoonaabaa tumaa gɔ́ɔ̃ nɛ, ka bɛn tamaa, màn mɛn bɛ́ toɛ, ka nyin sasa yɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.