Loen 34:11 - LAWA A BOO SONBORE

¹¹ Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

LAWA A BOO SONBORE 2011

¹¹ Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Loen 34:11 ပူးပေါင်းရင်းမြစ်များ

Zɔbu 4:11

Maǹ ka yàran bɛ́ lɔn, siĩ banban ǹ tá soɛ̃ wa. Bòo nə́ ǹ dɛ, ǹ nɛnyaanan nə́ sasawaa.

Loen 107:9

A giala, mu boro bɛ́ á goã min mɛnɛn ganaa, á mu kɔ bɛn la ǹ nə́ mi. Bòo bɛ́ á goã min mɛnɛn ganaa, á màn kɔ bɛn la ǹ nə́ bii ǹ nə́ kã.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 112:3

Gɔn màn laanka yii-nyɛɛ n min pepere a kion. A sii pepere zɛnaa lɛ n goɛ̃ yǎa duduu.

Loen 23:1

Davida a loe n ke. Dɛnaa Lawa n ma lɛduə̃li lɛa, màn kɔn ba re nyaabiɛ ma ganaa wa.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 22:6

Sɔ̀n sonbore wɔ nɛnyaan nɛ a yoo tán waáraa. Ta á zizi kɔ, a ba n niɛ̃ a ganaa wa.

Suusun 4:1

Nɛnyaanan, ka n too kɔ díi a doroo li. Ka yiri bɔ ka dinin li, ka á re yiridɛnan biɛ.

Suusun 7:24

Kanna kəni, maa nɛ, ma bɛ́ boon mɛnɛn pii n ni, n too kɔ ma lon,

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Suusun 8:32

Kanna kəni maa nɛnyaanan lɛn, ka n too kɔ ma lon. Ma bɛ́ boo mɛn diɛ, min mɛnɛn bɛ́ n too koe bɛ li, bɛn foo á re kɔɔ̃n koe.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Izayii 28:9

Bɛa màn-milin lɛn man nɔ̀n diɛ: Izayii n zoɛ̃ li a daraa kɔ die la? A na a boo giala pii die ne? Nɛnyaanan mɛnɛn bɛ́ ǹ nə́ ǹ lɛ na nyɔ ganaa sisia? Nɛnyaan tiɛɛ̃nɛn mɛnɛn bɛ́ ǹ nə́ ǹ lɛ bɔ nyɔ ganaa sisia?

Zaã a sɛ́wɔ 13:33

Maa wɔn lɛn, man kun ka nɛ biikoo boɛɛn dinsɔɔ̃ gɔ́ɔ̃ nɛ. Ka tá re giɛ masɛ li; sɛnɛ, ma màn mɛn pɛ Zuifun manɛ, man bɛ lɛ pii ka dɔn man sisia: Ma bɛ́ woe bǎã mɛn nɛ, ka a boe la ka wo walan wa.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.