Loen 33:16 - LAWA A BOO SONBORE

¹⁶ Zia-baalin mɔnaabaa bie toɛ kii gɔ̀lɔ̀baa yɛ wa. Kakabaa bie toɛ zia-baali kirisibaa wa.

LAWA A BOO SONBORE 2011

¹⁶ Zia-baalin mɔnaabaa bie toɛ kii gɔ̀lɔ̀baa yɛ wa. Kakabaa bie toɛ zia-baali kirisibaa wa.

Loen 33:16 ပူးပေါင်းရင်းမြစ်များ

Kiin1 20:10

Bɛn-Adaadi tɔ́n minin dia pii Akaabu ni: «Min mɛnɛn bɛ́ re koe masɛ lɛ ǹ da Samarii kiwi, bɛ̀ Samarii kiwi lɛ a yu ǹ tii bɛn gɔnɔn pã, dìn die ǹ dɔlɔ babaraa bɔ ma ganaa.»

Kiin1 20:15

Nɛ tenən mɛnɛn lɛn bɛ́ gána lɛ a nyɛɛnaandɛnan kio, Akaabu nə́ ǹ nimi, maǹ nə́ goã min biɛ paa ka pɔsɔɔwenpaa (232). A bɛ́ á bɛn nimi á nya, á Izirayeli sɔraasin tumaa nimi. Giĩn man nə́ goã min duu sɔbaa (7 000).

KZS2 13:8

Kanna kəni, ka n taasɛ mà pàã tá ka lon, ka nə́ n gòãn dii Dɛnaa *Lawa a kiibaa kɛ ganaa á kɔ Davida a kion minin la. Ka n gigiã sɔraasi zaman lɛa. Sana dii nɛn tá kun ka ka nɛ, Zeroboamu nə ǹ mɛnɛn kɔ ka la, mà ǹ kaa lawan baa.

KZS2 20:12

Wɔa Lawa, n din ba re bɛa kiri kuri wɔa lɛa wa? Wɔ pàã á kiɛɛrɛ sɔraasi kuru damata kɛ ganaa die wɔ gialaa ka zia nɛ. Wɔ bɛ́ re n biɛ lɔn, wɔ a doɛ̃ wa. Bɛ lɛ nɛ, wɔ yii n doa nɛ n din la.

KZS2 20:23

Amɔn minin laanka Moabu minin nə́ yiɛ Seyiri kele yii minin gialaa, ǹ nə́ ǹ dɛ yǎa á woo ǹ giala nyɔmiɛ̃ yaa. Bɛ kio, ǹ dinin nə́ n bɔyaa kɔn li ǹ tá kɔn dii.

KZS2 32:21

Dɛnaa Lawa tɔn lona dia dí-a wole goon dia Siirii minin giã ǹ bǎã lɛ nɛ. Á sɔraasi kakan tumaa dɛ, sɔraasin nyɛɛnaandɛnan nɛ ka gána nyɛɛnaandɛnan nɛ. Sìi nə́ n kɔ Asiiriin kii lɛ, á n bɔyaa á woo a gána nɛ. Ǹ kɔn pinaa á wɔ a dì kion, a nɛgiĩn nə́ dɛ walan.

Zɔbu 36:7

A ba n yɔrɔ bɔyɛɛ a bɔ min sonboren la wa. A n kiin koɛ kii dankan la, a ǹ koa kiibaa la yǎa duduu, màn mɛn bɛ́ toɛ ǹ gugurubaa yɛ.

Zɔbu 39:11

A pàã a golebaa kɛ taman yii, n tá re n foo doɛ a ganaa, n nə n dí toa a gɔn mà a nya?

Loen 20:8

Kɛn mà ziabaa ǹ wotoron, kɛn mà ziabaa ǹ sùin, sɛnɛ wɔsɛn Dɛnaa Lawa tɔ ke, bɛ lɛ n wɔsɛn lɛ-n.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Bɔ bɛ̀rɛbaa nɛ 14:28

Mu lɛ wusoo á daa, á n kɔ wotoron lɛ, ka sùi lɛ-kũlin ni. Faarahɔn a zia-baalin mɛnɛn tumaa kaa tà lɛ gɔ́ɔ̃ nɛ Izirayeli minin lɛn kio, min kɔ́n bɔ bɛn bii wa.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Zeremii 48:14

Moabu minin, a n siɛ lɔn ka á pii: «Wɔ ǹ sɔraasi foo taãn-an lɛa, zia-baali taãn-taãnan lɛa?»

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Ozee 10:13

Sɛnɛ, ka n ka baraabaa kɔsɔ, kaa kaa-piɛ na á goã ka mɛnaa kɔn la nɛ. Ń soɛ da nɛ bii. Man nə́ n foo doa n pàã ganaa n zia nɛn mɔnaabaa a lɛa.

Amɔɔsi 2:14

Ma á boe baa la, bɛa re n boe a-n wa, pàã tá ma lon, bɛa là á re yii n na-a wa, maa boe zia la, bɛa re n nyin sii wa.

Amɔɔsi 2:15

Sa zũ doɛ̃ wole a re n gòãn doɛ wa, boo baa la wole a re baa sii a la wa, sùi da-baali a re boe la a n din nyin si wa.

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Sii yɔrɔ-bɔlen 7:2

Dɛnaa Lawa pɛ Zediɔ̃ nɛ: – Zaman mɛn bɛ́ kunun n ni, ǹ tá mɔnaa nɛ á la yii ni. Bɛ̀ ma Madiã minin lɛn wɔ ǹ gɔn ka kɛa yɔrɔ kɛ nɛ, Izirayeli minin tá re n dinin gole koe masɛ ganaa ǹ pɛ mà ǹsɛn dinin pàã na á ǹsɛn kirisibaa.

Sii yɔrɔ-bɔlen 7:4

Bɛ tumaa kio, Dɛnaa Lawa pɛ Zediɔ̃ nɛ: «Zaman lɛ á tɔn gigiã á la yii ni. Minin lɛn kũ, n wo ǹ ne tà lɛ-a, ma ǹ gɔgɔɔ̃ walan ma ǹ kɔ n la. Bɛ̀ ma pɛ, máa min mɛn wo kunun n ni, bɛa dɛnaa á re woe kunun ni. Bɛ̀ má pɛ, máa min mɛn baran wo kunun ni wa, bɛa dɛnaa a re woe kunun ni wa.»

Samayeli1 17:4

Sɛ̀mɔɔ goon soo Filisiti minin bǎã nɛ, n zoɛ̃ woe Izirayeli minin sɔraasin laanka Filisiti minin sɔraasin lɛn biin ni. A tɔ na á goã Goliati, Gaati kiwi min ni. A sasabaa dɔ mɛtərə sɔɔ kɛ miã.

Samayeli1 2:9

Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.